11.01.2022

Universitetimizda xorijning 100 dan ortiq oliy taʼlim muassasalari bilan hamkorlik qilib kelinmoqda. Ushbu hamkorlik doirasida ilmiy tadqiqotlarning olib borilishi ustivor vazifa bo‘lib turibdi.Joriy yildan boshlab, Ispaniyaning Valensiya politexnika universiteti (QS-2021 reytingida 326-o‘rin, Times-2021 reytingida 801-1000 guruhida) hamda Santyago de Kompostela universiteti (QS-2021 reytingida 701-750 guruhida, Times-2021 reytingida 801-1000 guruhida) bilan hamkorlikda doktorantlar tayyorlash bo‘yicha kelishuvga erishildi.Xususan, xalqaro hamkorlik bo‘limi boshlig‘i Muhriddin Qilichov Valensiya politexnika universitetida “Communication and cultural industries – Aloqa va madaniyat sanoati” ixtisosligi bo‘yicha PhD doktoranturasiga qabul qilinib, o‘z ilmiy faoliyatini boshladi.14-oktabr kuni Valensiya politexnika universiteti doktorantlar maktabi (UPV Doctoral School) tomonidan doktorantlar bilan onlayn tanishuv uchrashuvi o‘tkazildi. Jahonning 20 dan ortiq mamlakatidan doktorantlar ishtirok etgan uchrashuvda M. Qilichov ham qatnashdi. Uchrashuvda Valensiya politexnika universitetida ilmiy tadqiqotlarni olib borish bo‘yicha qabul qilingan tartib bo‘yicha maʼlumot berilib, doktorantlarning ish rejalari bo‘yicha maslahatlar berildi.Uchrashuvda xalqaro hamkorlik bo‘yicha prorektor A.Jo‘rayev ham ishtirok etib, doktorantlarga omad tiladi. Shuningdek, Buxoro davlat universiteti Valensiya politexnika universiteti bilan qo‘shma ilmiy tadqiqotlar ko‘lamini kengaytirishga tayyor ekanligini aytib o‘tdi.Keyingi yillarda xorijiy hamkorlar bilan birgalikda doktorantlar tayyorlash ko‘lamlarini kengaytirish universitetimizning asosiy maqsadlaridan biri bo‘lib, bu o‘z navbatida universitet ilmiy salohiyati va taʼlim sifatini oshirishga hissa qo‘shadi.