11.01.2022

Buxoro davlat universiteti ishtirok etayotgan Yevropa Komissiyasining Erasmus+ dasturi doirasidagi TALENT loyihasi ijrosini ta’minlash maqsadida 2020 yil 7-9 sentyabr kunlari Buxoroda uchrashuv rejalashtirilgan edi. Koronavirus tufayli e’lon qilingan pandemiya holati ushbu uchrashuvni masofadan olib borishga sabab bo’ldi. Loyihaning toʻliq nomi: TALENT - Establishing Master Programmes in Human Resource Management and Talent Development in Central Asia – Markaziy Osiyoda inson resurslari menejmenti (IRM) va koʻnikmalarni rivojlantirish boʻyicha magistratura dasturlarini tashkil qilish.Uchrashuv doirasida 7-8 sentyabr kunlari Micrisoft Teams platformasi orqali loyihani amalga oshirish borasida amalga oshirilgan ishlar va mavjud muammolar muhokama qilindi. Shuningdek, kelgusida amalga oshirilishi kerak bo’lgan ishlar rejalashtirib olindi.9-sentyabrda esa Buxoro davlat universitetining Xalqaro hamkorlik bo’yicha prorektor Abror Jo’rayev hamda Iqtisodiyot va turizm fakulteti a’zolari Xolmurod Mo’minov, Ziyodulla Nurov, Anvar Sherovlardan iborat loyiha ishtirokchilari tomonidan tashkil etilgan “O’zbekistonda Inson Resurslarini Boshqarishning Yangi Jarayonlari Sari” nomli seminar bo’lib o’tdi. Seminarni universitet rektori, professor Obidjon Xamidov va ERASMUS+ ofisi cordinatori Aziza Abduraxmanovalar ochib berdilar.Seminarning asosiy qismi O'zbekiston Respublikasi Prezidenti huzuridagi davlat xizmatini rivojlantirish agentligi Buxoro viloyati filiali rahbari Zafar Jumayevning “Coordination of HR departments in government organizations” mavzusidagi ma’ruza bilan boshlandi.Shuningdek, Team universiteti modul rahbari Anvar Nizamovning “Malak oshirish inson resurslarini boshqarish qismi sifatida” mavzusidagi va Anvar Shirinovning “O’zbekistondagi mehnat qonunchiligidagi so’nggi o’zgarishlar” mavzusida taqdimotlari namoyish etildi.Seminar yuqori saviyada o’tkazildi va ijtimoiy tarmoqlar hamda OAV orqali keng targ’ib qilindi.BuxDU Matbuot xizmati