2020-yilning 13-sentabr kunidan boshlab Buxoro davlat universitetida Sport faoliyati:futbol yo'nalishi bo'yicha ijodiy imtihonlar boshlandi. Imtihonlar boshlanishidan 4 kun oldin barcha abituriyentlarning ro'yxatdan o'tgan telefon raqamlariga BuxDU rektorining sms xabarnomasi jo'natildi. Ijodiy imtihonlarning Birinchi va ikkinchi kunlarda 100 dan ortiq abituriyentlar karantin qoidalariga rioya qilgan holda Buxoro shahrida joylashgaN Sitora sport majmuasida kuchlarini sinadilar. Ushbu imtihonlarga jamoatchilik kengashi a'zolari, ichki ishlar, milliy gvardiya, tez tibbiy yordam xodimlari nazorati asosida abituriyentlar stadionga kiritishda haroratlarini o'lchanilib, yangi tibbiy niqoblar berildi. Abituriyentlar "Futbol" bo'yicha kirish imtihonlarning me'yoriy talablari va baholash mezonlariga asosan darvozaga zarba berish (40 ball), to'pni uzoq masofaga aniq uzatish(30 ball), to'pni olib yurib darvozaga zarba berish (26 ball) kabi test me'yorlaridan o'tishdi.Ijodiy imtihon bo‘lib o‘tayotgan binolar to‘liq kameralashtirilgan, jarayonni ota-onalar institut sayti www.buxdu.uz orqali to‘g‘ridan-to‘g‘ri kuzatib borishlari mumkin. Shaffoflikni ta’minlash maqsadida imtihon jarayonlarida nomutaxassis bo‘lgan hamda jamoat tashkilotlari xodimlari tomonidan nazorat qilib borilmoqda. Qabul komissiyasi axborotiga ko‘ra, birinchi kunda 60 abituriyentdan 56 nafari imtihonda ishtirok etib, shundan 4 nafari imtihonda ishtirok etmadi. To‘plagan balidan norozi bo‘lgan abituriyentlar, javoblar e’lon qilingan vaqtdan boshlab 24 soat ichida apellatsiyaga berishlari mumkin. Buning uchun ular qabul komissiyasiga murojaat qilishlari kerak bo‘ladi. BuxDU Matbuot xizmati
