11.01.2022

“Facebook” ijtimoiy tarmog‘i foydalanuvchisi Olimjon To‘xtanazarov Buxoro davlat universiteti raxbariyati, xususan, universitet rektori Obidjon Xafizovich Xamidov nomiga asossiz va “taxdidli” xabar qoldirgan. Yuqoridagi mavzu bo‘yicha quyidagilar ma’lum qilinadi: Buxoro davlat universiteti tasarrufida bo‘lgan barcha ijaraga berilgan umumiy ovqatlanish shaxobchalari uchun tuzilgan uch tomonlama: universitet, “Buxoro viloyati Davlat mulkini ijaraga berish markazi” DUK va ijarachi korxonalar o‘rtasida tuzilgan ijara shartnomalariga qo‘shimcha uzaytirish muddatlari 01.01.2020 yildan 30.06.2020 yilgacha belgilangan va bugungi kunda shartnoma muddati yakunlangan.  Ushbu ijarachilarga bir necha yil davomida universitet balansidagi mulk va binolaridan foydalanish uchun umumiy tartibda tanlov o‘tkazilmasdan, minimal ijara stavkalari asosida shartnomalar tuzilganligi aniqlangan va universitet ma’muriyati tomonidan boshqa talabgor tadbirkorlar tomonidan bildirilgan ko‘p sonli murojaatlariga asosan ushbu ob’ektlarni umumiy tartibda o‘zaro raqobat va adolatni qo‘llab quvvatlash, shuningdek universitet xo‘jalik faoliyatida shaffoflikni ta’minlash maqsadida O‘zbekiston Respublikasi Vazirlar Mahkamasining 08.04.2009 yildagi 102-sonli “Davlat mulkini ijaraga berish tartibi to‘g‘risida nizom”i va 16.08.2018 yildagi 454-son qarori bilan tasdiqlangan “Davlat mulki ob’ektlarini sotish va davlat mulkini ijaraga berish bo‘yicha elektron savdolar o‘tkazish tartibi to‘g‘risida nizom” ga asosan e-auksion.uz orqali qayta elektron auktsion e’lonlari orqali ijaraga berishga qaror qilingan. Ushbu tadbir quyidagi maqsadlarni ko‘zlab amalga oshirilmoqda:-shaffoflik, adolat, tenglik va qonun ustuvorligi me’yorlarini ta’minlash;-ijara to‘lovlari hisobidan shakllanadigan universitet maxsus fondi va mahalliy byudjet mablag‘lari oqimi optimallashtirish (ijara to‘lovlarini minimal stavkada emas, bozor iqtisodiyoti sharoitidan kelib chiqqan holda talab va taklif qonuni asosida belgilash) ;  -xizmat ko‘rsatuvchi infrastruktura ob’ektlarining sifatini yaxshilash;-barcha talabgorlar uchun teng raqobat muhitini yaratish;O‘zbekiston Respublikasi Vazirlar Mahkamasining 08.04.2009 yildagi 102-sonli “Davlat mulkini ijaraga berish tartibi to‘g‘risida nizom” 12-bandi oxirgi qismiga asosan ijara muddatining maksimal muddati o‘tgach ijaraga qayta berish amaliyoti umumiy tartibda amalga oshirilishi belgilangan va ushbu holatda umumiy ovqatlanish shaxobchalari oldingi ijarachi korxonalari bilan ijara shartnomasi tuzish maksimal muddati oshganligini inobatga olgan holda, Vazirlar Mahkamasining 16.06.2018 yildagi 454-son qarori bilan tasdiqlangan “Davlat mulki ob’ektlarini sotish va davlat mulkini ijaraga berish bo‘yicha elektron savdolar o‘tkazish tartibi to‘g‘risidagi nizom” ga asosan barcha talabgorlar uchun shaffoflik va adolatlilik tamoyillarini ta’minlash maqsadida barcha umumiy ovqatlantirish shaxobchalari respublika miqyosidagi e-auksion.uz sayti orqali elektron auktsion savdolariga e’lon sifatida joylashtirilgan. Bugungi kunda barcha ob’ektlar to‘g‘risida ma’lumotlar ushbu sayt ochiq ma’lumotlar bazasida auktsion e’lon loti sifatida joylashtirilgan bo‘lib, barcha foydalanuvchilar uchun kirish imkoniyati mavjud. Barcha ijaraga berish mo‘ljallangan vaqtincha foydalanilmayotgan bino va mol-mulk ob’ektlarini ijaraga olish istagi mavjud bo‘lgan talabgorlarga e-auksion.uz sayti orqali ochiq ma’lumot olish va shuningdek adolatli, shaffof tarzda tashkil etilayotgan auktsionlarda qatnashish imkoniyati mavjudligini ma’lum qilingan. Auktsionlar o‘tkazish qo‘shimcha tartibi to‘g‘risida e-auksion.uz veb sahifasi yoki “Davlat mulkini ijaraga berish markazi” DUK ga murojaat qilish imkoniyati mavjud.Universitet tasarrufida bo‘lgan va ijaraga berilgan umumiy ovqatlanish shaxobchalari 2015 v 2016 yillar davomida kapital ta’mirlangan, universitet tomonidan taqdim etilgan barcha jihozlar va oshxona anjomlari yangi va soz holatda ijarachilarga taqdim etilgan, ushbu davrda foydalanishda yuzaga kelgan nuqsonlar ijarachining shaxsiy mas’uliyati ekanligini va ular tomonidan bartaraf etilishi qonunan ijara shartnomasi orqali belgilab qo‘yilgan. Universitet ma’muriyati ijarachilarning barcha og‘zaki va yozma murojaatlariga javob qaytarib borganligi, ularning rahbarlarini shaxsan qabul qilib borganligini ma’lum qilamiz. Universitet ma’muriyati biror marotaba ijarachilarning qonuniy faoliyatiga to‘sqinlik qilmagan va aksincha doimiy ravishda ularni qo‘llab quvvatlashga harakat qilgan.Ijarachilarning ijara shartnomasi muddatini uzaytirish va uzoq muddatga belgilash faqatgina “Davlat mulkini ijaraga berish markazi” DUK tomonidan e’lon qilinayotgan ochiq auktsionlar orqali amalga oshirilishi mumkinligini va universitet ma’muriyati qonun doirasi bunday qo‘shimcha vakolatga ega emasligi barcha ijarachilarga bir necha marotaba ta’kidlab o‘tilgan.Hozirgi kunda ijarachilar tomonidan amalga oshirilgan ortiqcha to‘lov Buxoro viloyati “Davlat mulkini ijaraga berish markazi”  DUK ular tomonidan yo‘llangan yozma murojaat orqali qaytarilishi mumkinligini haqida tushuntirish berilgan va ulardan “Gala-Osiyo Parranda” FX 2020 yil uchun biror marotaba ijara to‘lovi amalga oshirmaganligi va bugungi kunda asosiy qarzi 6.100.000 so‘m va unga qo‘shimcha hisoblanagan penya ham mavjudligi to‘g‘risida Buxoro viloyati “Davlat mulkini ijaraga berish markazi” DUK tomonidan ogohlantirilgan.  Xalqimizda “Chumchuq so‘ysa xam qassob qo‘ysin” degan mazmunli naql bor. So‘z yakunida shuni ta’kidlash lozimki, barcha kasbning, xunarning o‘z egasi, ijrochisi bor. Olimjon To‘xtanazarov xam omma oldida turli xil  mavzularda bilib – bilmay fikr bildirishdan ko‘ra, xuquqiy bilimi va madaniyatini oshirib borishi orqali jamiyatga yanayam ko‘proq foyda keltirgan bo‘ladi.BuxDU Matbuot xizmati