2020-yilning 12-oktabr kunidan boshlab Buxoro davlat universitetida ham 1-kursga talabalikka tavsiya etilganlar uchun tanishuv darslari boshlandi. Dastlab Buxoro davlat universiteti o‘quv binolari kirish joyi oldida sanitar-epidemiologik qoidalarga rioya qilingan holda talabalar kiritilib ularga belgilangan dars jadvallari asosida tanishuv darslari bo‘lib o‘tdi.Universitetda tanishuv darslari 2 juftlikdan tashkil etilgan bo‘lib. Xar bir juftlik orasida talabalarga 10 daqiqalik tanaffus berilgan, shuningdek talabalar karantin qoidalariga rioya qilingan holda chiqish belgilari o‘rnatilgan. Darslarga yuqori saviyali rahbar hamda professor-o‘qituvchilar jalb etilgan.Tanishuv darslarini ham onlayn (ZOOM) ham oflayn tarzda Buxoro davlat universiteti rektori, iqtisodiyot fanlari doktori professor, Obidjon Xafizovich Xamidov kirish so‘zi bilan ochib berdi. O‘z so‘zida universitet rektori talabalik baxtiga musharraf bo‘lgan yoshlarni tabrikladi.Talabalarga dars jadvali, dars beradigan o‘qituvchi va professorlar, kyerakli darsliklar va foydalaniladigan adabiyotlar haqida ma’lumotlar, oliy ta’lim muassasasi talabasi maqomi, o‘tiladigan darslar, muhim qoidalar, kredit-modul tizimida o‘qish tartibotlari to‘liq tushuntirildi.Shuningdek BuxDU O‘quv-uslubiy boshqarmasi boshlig‘i R.Gʻ. Jumayev ZOOM ilovasi orqali barcha birinchi kurs talabalariga kredit-modul tizimi bo‘yicha batafsil ma’lumot berdi. BuxDU yoshlar bilan ishlash bo‘yicha prorektori A.M. Kadirov talabalarga universitetdagi ma’naviiy-ma’rifiy ishlar bo‘yicha ma’lumot berib o‘tdilar.Tanishuv darslari orqali talabalarda masofaviy (onlayn) ta’lim olish ko‘nikmasi shakllantiriladi. Shuningdek, kerakli hujjatlar jamlanmasini taqdim etish bo‘yicha tushunchalar beriladi.Shuni aytish joizki, tanishuv darslari yakunlanganidan so‘ng, 1-kurs talabalari ham yuqori kurs talabalari singari o‘qishni onlayn tarzda davom ettirishadi. BuxDU Matbuot xizmati
