11.01.2022

2020-yil 18-avgust kuni Buxoro  davlat universiteti fakultetlari va kafedralarida yangi 2020/2021 o‘quv yiliga tayyorgarliklarini taʼminlash, bu borada mavjud muammo va kamchiliklarni tezkor bilan bartaraf etish, mavjud sharoitda masofaviy o‘qitish shakllarini sifatli joriy etish bo‘yicha metodik tavsiyalar berish, shuningdek masʼul rahbarlarning bu boradagi shaxsiy masʼullik darajasini oshirish  maqsadida Tarix va madaniy meros fakulteti va unga tegishli kafedralarida o‘rganish ishlari olib borildi.Ishchi guruh fakultetning «Buxoro tarixi», «Jahon tarixi», «Islom tarixi va manbashunosligi, Falsafa» hamda  Milliy g‘oya, maʼnaviyat asoslari va huquq taʼlimi kafedralarida yangi o‘quv yiliga tayyorgarlik ko‘rish va uni boshlash, o‘quv-metodik taʼminot, ilmiy-tadqiqot ishlari samaradorligini oshirish, Xalqaro hamkorlikni yo‘lga qo‘yish, Yoshlar bilan ishlash va ustoz-shogird sohasida amalga oshirilayotgan ishlar bo‘yicha istiqboldagi rejalar va vazifalar tahlil qildi.Ishchi guruh tomonidan kafedralar faoliyatini o‘rganish natijasida yo‘l qo‘yilgan kamchiliklarni bartaraf etish yuzasidan amaliy tavsiyalar berildi.