Buxoro davlat universiteti rektori Obidjon Xamidov tomonidan tasdiqlangan komissiya a`zolari 15-iyun kuni Jismoniy madaniyat fakultetiga tashrif buyurishdi. Tashrif davomida universitet rektori tomonidan fakultetda kafedralarining yangi o`quv yiliga tayyorgarligi, masofaviy o`qitish sharoitida ta`lim platformasi imkoniyatlaridan foydalanishi hamda 2020-2021 yilgi o`quv yilida qabul kvotasi bo`yicha topshiriqlar berib o`tildi.Jumladan bu yilgi qabul kvotasida sport faoliyati yo`nalishi ochilishi munosabati bilan universitet rektori tomonidan Buxoro viloyati Jismoniy tarbiya va sport bo`lim boshqarmasi bilan birgalikda (basketbol, volleybol, gandbol, futbol) sport turlarini ilmiy jihatdan asoslangan holda rivojlantirish nazarda tutildi. Jismoniy madaniyat fakulteti dekani B. B. Ma`murov viloyatda ehtiyojga ega bo`lgan sport turlarini viloyatda ommalashishida kerak bo`lgan chora-tadbirlarni qo`llash haqida o`z fikrlarini bildirdi. Uchrashuv yakunida mamlakatimizda yosh avlodni sog`lom va barkamol etib tarbiyalash, jahondagi nufuzli musoboqalarda farzandlarimizning munosib yutuqlarga erishishi va g`alaba qozonishi maqsadida oliy ta`lim hamda barcha jismoniy tarbiya uchun ma`sul tizim muasassalarning o`zaro birgalikda faoliyat olib borishi to`g`risidagi fikrlar qo`llab quvvatlandi.