Sog`lom turmush tarzi eng avvalo oiladagi tarbiyadan boshlanib yoshlarning bugungi kundagi asr vabosi hisoblanmish giyohvandlik va OITS kasalliklariga chalinishlarini nafaqat oldini olish, balki yoshlarda bu kasalliklarga qarshi kurashishning mafkuraviy immunitetini shakllantirish barchamizning jamiyat taraqqiyoti yo`lidagi burchimizdir.Ma’naviyat va ma’rifat bo`limi, Ijtimoiy –iqtisodiy fakultet hamda universitet «Ibn Sino salomatlik maskani» ma’rifat markazi va Buxoro viloyat OITSga qarshi kurash markazi bilan hamkorlikda 2014 yil 18 noyabr kuni davra suhbati o`tkazildi. Buxoro viloyat OITSga qarshi kurash markaz mutaxassisi D.Sattorova OITS kasalligi va undan saqlanish yo`llari haqida tushuncha berib o`tdi. Notiq hozirgi kunda insoniyat salomatligini asrash va hayotini uzaytirish imkonini beruvchi davolash usullari ishlab chiqilgan, ammo ular mukammal emasligi, bundan tashqari, rivojlanayotgan mamlakatlarda yashayotgan bemorlarning hammasi ham bunday davolanishga qodir emasligi, OITSga qarshi vaktsina yo`qligi xavfli kasallikning tarqalishi oldini olishning asosiy usuli hayot tarzini o`zgartirish bo`lib qolayotganligini ta’kidladi. Tadbir talabalarning sovol-javoblari asosida qizg`in tashkil etildi. Mutaxassislar keraklicha ma’lumot berib o`tishdi.
