1-iyul kuni Buxoro davlat universiteti va O‘zbekiston Respublikasi Prezidenti huzuridagi Davlat xizmatini rivojlantirish agentligi qoshidagi “El-yurt umidi” jamg‘armasi hamkorligida Buyuk Britaniyaning Hult International Business School professori Alessandro Lanterining "Turbulent sharoitda strategik liderlik" mavzusida xalqaro vebinari tashkil etildi.Maqsadli auditoriya: Vebinarda oliy taʼlim va ilmiy tadqiqotlar sohasida, shuningdek O‘zbekistonni xalqaro maydonga integratsiyasini taʼminlashga masʼul bo‘lgan vazirlik va idoralarda faoliyat olib borayotgan mutaxassislar, ulardan 1030 kishi yaqin ro‘yxatdan o‘tgan edi.Vebinarning asosiy maqsadi - O‘zbekistonda davlat xizmatchilari, taʼlim va ilmiy soha kadrlari salohiyatini oshirishga ko‘maklashish.Mazkur vebinar ZOOM konferens-aloqa tizimi orqali tashkil etilib, unda spikerlar sifatida “El-yurt umidi” jamg‘armasi direktori A. Bekmurodov, O‘zbekiston Respublikasi Oliy taʼlim kengashi raisi O‘. Umurzoqov, “El-yurt umidi” jamg‘armasi qoshidagi Xalqaro ekspertlar kengashi aʼzosi H. Irgashev, Buxoro davlat universiteti rektori O. Xamidov va prorektori A. Jo‘rayev va Hult International Business School professori Alessandro Lanteri (Alessandro Lanteri) ishtirok etdilar.Vebinarda 100 dan ortiq Zoom orqali va 1993 dan ortiq Jamg‘armaning Facebook sahifasi orqali O‘zbekiston davlat xizmatchilari, OTMlar rektorlari, prorektorlari, dekanlari, kafedralar mudirlari, professor-o‘qituvchilar va ilmiy tadqiqotchilar, hamda barcha qiziquvchi tadbir davomida ishtirokchilarning 50 ga yaqin savollari atrofida xalqaro onlayn muloqotlar tashkil etildi.Vebinar davomida taqdimotdan so‘ng ishtirokchilar savol-javobga o‘tidi, xususan bugungi kunda O‘zbekiston Respublikasi Xalqaro raqobatbardoshlik indeksida ishtirok etish orqali xorijdan investitsiyalarni jalb etish masalalari, raqamli texnologiyalar inson faoliyati, boshqaruvning qaysi tomonlariga yana-da kengroq joriy etish, sunʼiy intellektning inson xayotiga yana-da jadallashishi insonning samarali qarorlar qabul qilish jarayoniga qanday taʼsir o‘tkazish masalalari ko‘tarildi.Tadbirning so‘ngida “El-yurt umidi» jamg‘armasi kelgusida shunday vebinarlar, videomuloqotlar va tadbirlar o‘tilishi bo‘yicha takliflar berildi va navbatdagi tadbirlar rejalashtirildi.Turbulent sharoitda strategik liderlik" mavzusida xalqaro vebinarni ko‘rish:https://www.facebook.com/watch/?v=278327706839701BuxDU Matbuot xizmati
