Kuni kecha Buxoro davlat universiteti kichik majlislar zalida universitet Kengashining navbatdagi yig`ilishi bo`lib o`tdi. Yig`ilishda universitet rektori O.X. Xamidov, prorektorlar, fakultet dekanlari va kafedra mudirlari ishtirok etdilar. Kengash faoliyatida hozirgi kunda universitet hayotidagi ilmiy, iqtisodiy va pedogogik masalalar ko`rib chiqildi. Shuningdek, universitetning yangi moliya va iqtisod ishlari bo`yicha prorektori Rashidov O`lmasjon Umarovich kengash a`zolariga tanishtirildi. O`lmasjon Umarovich mehnat faoliyati davomida ko`plab ma`suliyatli lavozimlarda ishlab kelgan. Xususan, 2011-2013 yillarda Buxoro davlat universiteti moliya va iqtisod ishlari bo`yicha prorektori, 2013-2017 yillarda Buxoro viloyati hokimligi madaniyat va sport ishlari boshqarmasi boshlig`i, 2017-2020 yillarda Buxoro viloyati jismoniy tarbiya va sport boshqarmasi boshlig`i vazifalarida faoliyat olib borgan. Kengash yakunida kelgusida qilinishi lozim bo`lgan ishlar va kelgusidagi rejalar xususida kelishildi.
