O`zbekiston Respublikasi Prezidentining 2014 yil 6 fevraldagi “O`zbekiston Respublikasida yoshlarga oid davlat siyosatini amalga oshirishga qaratilgan qo`shimcha chora-tadbirlar to`g`risida’gi PQ-2124-sonli Qarori ijrosini taminlash hamda yoshlarning har tomonlama yetuk mutaxassis bo`lib kamol topishga bo`lgan intilishlarini qo`llab-quvvatlash, iqtidorli yoshlarni rag`batlantirish, yosh avlod vakillarida vatan tuyg`usi va mamlakatda ro`y berayotgan voqealarga dahldorlik hissini oshirishga ko`maklashish maqsadida 2014 yil 12 iyun kuni Buxoro viloyati hokimligi, Buxoro viloyat kasaba uyushmalari birlashmasi, Kamolot yoshlar ijtimoiy harakati viloyat bo`limi bilan hamkorlikda Viloyat musiqali Drama teatrida “Yilning eng faol yosh mutaxassisi” Forumi bo`lib o`tdi. Barchamizga ma’lumki, mamlakatning ertangi taqdiri, eng avvalo, bugun kamol topayotgan yoshlar ta’lim-tarbiyasi, bilimi, iqtidori, erishayotgan yutuq va natijalariga qarab belgilanadi. Shu ma’noda, bugun ilm yo`lida izlanib, malakali mutaxassis bo`lib yetishishni maqsad qilgan navqiron avlod buyuk maqsadlarni ro`yobga chiqaruvchi qudratli kuch sifatida umid, ishonch ramziga aylanib bormoqda. Bu, albatta, O`zbekistonda yoshlarni har tomonlama yetuk va barkamol insonlar qilib tarbiyalash, ularning ta’lim olishi, intellektual salohiyat egalari bo`lib voyaga yetishiga yuksak e’tibor qaratilib, yoshlarning iste’dod va salohiyatini yuzaga chiqarish yo`lida amalga oshirilayotgan ezgu islohotlar samarasidir. Zero, ana shunday beqiyos g`amxo`rlik o`g`il-qizlarning ilm olish hamda yetuk mutaxassis bo`lib etishishga intilish hissini yanada kuchaytirib, ularni baland marralar sari chorlamoqda. Bugun jamiyatimizdagi har bir sohasida yuz berayotgan katta o`zgarish va yangilanishlar jarayonida yuqori malakali kadrlarning o`rni va roli alohida ahamiyat kasb etadi. Yangi g`oyalar, loyihalar, taklif va tashabbuslar esa jamiyatdagi yangilanish va takomillashuvning muhim omillari hisoblanadi.Yurtimizda “Sog`lom bola yili” Davlat dasturida belgilab berilgan ustuvor vazifalar, xususan, yoshlarning ijtimoiy faolligini yanada oshirish, ularning, haq-huquqlarini muxofaza qilish, kasb-xunar kollejlarini bitirayotgan yigit-qizlarni ishga joylashtirish, ayniqsa, yosh tadbirkorlarni qo`llab-quvvatlashga alohida e’tibor qaratilib, bu borada aniq chora-tadbirlar amalga oshirilmoqda. Bugun jonajon O`zbekistonimizning xalqaro maydonda obro`-e’tiborini yuksaltirish, xalkimizning ulkan yutuq va natijalarini qo`lga kiritishi, turmushimizning obod va farovon bo`lishida yoshlarimizning ham munosib o`rni borligi barchamizga cheksiz quvonch va mamnuniyat bag`ishlaydi. Yoshlarimizning zamonaviy bilim va taraqqiyot sirlarini puxta egallab, hech kimdan kam bo`lmasdan, katta shijoat bilan hayotimizga kirib kelayotganlari zaminida, hech shubhasiz, davlatimizning, shaxsan muhtaram Yurtboshimizning e’tibor va g`amxo`rliklari mustahkam asos bo`lib xizmat qilmoqda. Mamlakatimizda yoshlarga juda katta imkoniyatlar yaratib berilmoqda.Davlatimiz rahbarining ushbu siyosatlarini qo`llab-quvvatlagan holda tanlov quyidagi yo`nalishlardagi maqsad va vazifalarni amalga oshirish maqsadida o`tkazildi. Bular o`zi tanlagan kasbga nisbatan hurmat va fahr tuyg`usini shakllantirish; iqtidorli yosh mutaxassislarning kasbiy bilim darajasini aniklash; yosh mutaxassislar orasida sog`lom raqobat muhitini vujudga keltirish; yosh mutaxassislarning innovasion g`oya, loyiha va texnologiyalarini hayotga tadbiq etish orqali yangi ish o`rinlarini yaratish; fukarolik jamiyatini rivojlantirish jarayonlaridagi yosh mutaxassislarning faolligini oshirish; iqtidorli yosh mutaxassislarni aniqlash, kasbiy mahoratini va bilim darajasini oshirish uchun munosib sharoitlar yaratish; yosh mutaxassislarni ijtimoiy himoya qilish, zamonaviy kasb-hunarlarni puxta egallashlari uchun munosib sharoitlar yaratish; yoshlarning kasbiy aloqalarini mustahkamlash, ularni zarur hollarda moddiy jihatdan qo`llab-quvvatlash, o`zaro tajriba almashishlariga zamin yaratish; yoshlarda bugungi kundagi “ommaviy madaniyat” ning turli illatlariga qarshi mafkuraviy immunitetni shakllantirish, ular ongiga umuminsoniy va milliy qadriyatlarni singdirishga qaratilgan dasturlarni amalga oshirish, bu boradagi ishlarga davlat va jamoat tashkilotlarini keng jalb etishdan iboratdir. Tanlov 15 ta nominasiya buyicha 3 bosqichda o`tkazildi. Tanlovda viloyatning turli soxalaridan jami 300 nafarga yaqin yosh mutaxassislar ishtirok etishdi. “Yilning eng faol yosh mutaxassisi” Forumini Buxoro viloyat hokimi o`rinbosari H.M.G`oyirov va Buxoro viloyat Kasaba uyushmalari tashkilotlari birlashmalari birlashmasi kengashi raisi G`.Safarovlar so`zga chiqib ochib berdilar. Buxoro davlat universitetining “Akademik lisey va kasb-hunar kollejlari bilan ishlash bo`limi boshlig`i, “Iqtisodiyot” fakulteti o`qituvchisi Qahhorov Otabek Siddiqovich “Yilning eng faol yosh olimi” naminatsiyasi bo`yicha g`oliblikni qo`lga kiritdi. Qahhorov Otabek Siddiqovich Buxoro davlat universitetining “Iqtisodiyot” yo`nalishini 2007 yilda imtiyozli diplom bitirgan. Ta’limning keyingi bosqichini Respublikamizning turli OTMlarida, magistratura, aspiranturada o`qigan. Hozirgi kunda doktoranturada o`qib o`z ilmiy faoliyatini davom ettiryapti. Yosh olimimiz ilmiy faoliyati davomida 1 ta monografiya, 1 ta o`quv-uslubiy qo`llanma, 1 ta ilmiy risola, 2 ta mualliflik guvohnomasi, 4 ta chet el jurnallarida ilmiy maqollar va 30 ga yaqin Respublikamizning jurnallarida maqola va tezislar chop ettirgan. “Yilning eng faol yosh olimi” naminasiyasi bo`yicha tanlov g`olibi O.S.Qahhorov g`oliblar nomidan so`zga chiqib, “Mamlakatimizda biz yoshlarga ko`rsatilayotgan mana shunday ulkan e’tibor, g`amxo`rlikni har daqiqa ko`rib, his etib turibmiz. Yurtboshimiz rahnamoligida yosh avlod baxti va kelajagi uchun amalga oshirilayotgan keng ko`lamli ishlar, yoshlar masalasi davlat siyosati darajasida ko`tarilganligi fikrimizning yaqqol isbotidir. Bugungi kunda yurtimizda dunyo mamlakatlari havas qiladigan zamonaviy ta’lim tizimi, o`quv maskanlari barpo etilgan. Ta’lim muassasalarimizda yoshlarimiz eng ilg`or ilm-fan va taraqqiyot sirlarini, xorijiy tillarni, axborot texnologiyalarini puxta egallab, bugungi zamon talabiga javob beradigan etuk mutaxassislar tayyorlanyapti. Ustozlarimizning bergan bilim va ko`rsatmalari, ota-onalarimizning qo`llab-quvvatlashlari, yurtimizda yoshlarga qaratilgan shunday e’tibor va imkoniyatlar, bizlarni shunday yutuqlarga erishishimizga va siz azizlar oldida turishimga sabab bo`ldi. Viloyatimizning barcha yoshlari nomidan, tanlov ishtirokchilari va g`oliblari nomidan, bizlarni chin dildan qo`llab-quvvatlayotgan hukumatimizga, Yurtboshimizga, viloyat hokimligi, ustozlarimiz, barcha jamoat tashkilotlariga e’tibor va e’zoz uchun minnatdorchilik bildiraman. O`zbekiston yoshlari dunyodagi eng baxtli yoshlar, biz yoshlar xalqimiz ishonchinini albatta oqlab, Vatanimizning etuk mutaxxassislari, buyuk ajdodlarimiz ishlarining davomchilari bo`lamiz. Ozod va obod Vatanda bilim olib mehnat qilayotgan biz yoshlarning kelajagimiz o`z qo`limizda. Mehnatimiz, iste’dodimiz, bilimimiz bilan - Vatanimiz, xalkimiz, ota-onamiz orzularini ro`yobga chiqaramiz va albatta kelajagi buyuk O`zbekistonni bunyod etishda o`z hissamiz qo`shamiz” deb o`z so`zini yakunladi. G`oliblikni qo`lga kiritgan iqtidor egalariga diplom va qimmatbaho sovg`alar topshirildi. Universitet jamoasi Qahhorov Otabek Siddiqovichni “Yilning eng faol yosh olimi” naminasiyasi bo`yicha g`oliblikni qo`lga kiritgani bilan chin dildan tabriklaydi. Ilmiy faoliyatida omad va zafarlar, sog`lik-salomatlik, kelgusida chin inson va buyuk olim bo`lib etishishiga tilakdoshmiz va Prezidentimizning “Marrani doimo baland qo`yib yashang, aziz bolalarim, davr bizniki, marra bizniki!” degan samimiy so`zlari qahramonimizning har bir ishida kuch va g`ayrat bag`ishlashini tilab qolamiz.[widgetkit id=31]
