Yil talabasi - 2019 "Yilning eng yaxshi bloger talabasi" nominatsiyasida 1-o'rinni olgan shogirdim boshlang'ich taʼlim va sport tarbiyaviy ish yo'nalishining 4-kurs talabasi Shahlo Xalilova sharofati bilan Qoraqalpog'istonning Nukus shahriga borishga muyassar bo'ldim. Nukusda bizni juda chiroyli kutib olishdi. U yerdagi muzeylarga sayohat qildik. Ertasi kuni barcha golib talabalar va ularning ustozlarini taqdimot qilish uchun Mo'ynoqqa olib borishdi. Ikkita avtobusda barcha viloyatdan kelgan talabalar o'zlarining Vatanni madh etuvchi qo'shiqlari hamon qulog'im ostida jaranglamoqda. Bunday talabalar bilan qancha faxrlansang arziydi albatta. Mo'ynoqqa yetib borgach Madaniyat saroyi yonida archa nihollari ekdik. Keyin esa eng xayajonli daqiqalar, Yilning eng zo'r talabalarini taqdirlash marosimi boshlandi. Ko'rik tanlovda 21 ta talaba har xil nominatsiyalar bilan taqdirlandi. Navbat Buxoro davlat universiteti Maktabgacha va boshlangich taʼlim fakulteti 4-bosqich talabasi Shahlo Xalilovaga yetib keldi. 1-o'rinni olgan talabalarni shaxsan Oliy va o'rta maxsus taʼlim vazirining axborot texnologiyalari va yoshlar bo'yicha o'rinbosari Y. Аbdusoatov statuetka, diplom, kitob hamda gullar bilan taqdirladi. Tadbir tugagandan so'ng mehmonlarni Kemalar qabristoniga borib Orolbo'yiga sayohat uyushtirishdi. Hammaning quvonchi shubhasiz cheksiz edi. Shunday tadbirlarni tashkil etgan Oliy taʼlim vazirligiga o'z minnatdorchiligimni bildiraman! Safarova Nigora Oxunjonovna Buxoro davlat universiteti dotsenti
