19-20-21 - fevral kunlari BuxDU Xorijiy tillar fakulteti filologiya va tillarni o'qitish ta'lim yo'nalishida birinchi semestr yakunlari bilan tanishtirish maqsadida 1-2-3 -bosqich talabalarining ota-onalari ishtirokida yig'ilish o'tkazildi.Kun tartibidagi asosiy masalalar qishki jarayon yakunlari, shartnoma to'lovining bajarilishi, universitet ichki tartibi va odob-axloq qoidalariga rioya qilish bo'lib, yig'ilishni fakultet dekani M.M. Jo'rayeva hamda Ingliz tilshunosligi kafedrasi mudiri Z.I. Rasulov ochib berishdi.Bundan tashqari, iqtidorli talabalarni qo'llab-quvvatlash, chet el hamda mahalliy grantlar, hokim stipendiyasi, fan olimpiadalariga tayyorgarlik haqida ham so'z bordi. Yig'ilishni guruh murabbiylari 1-jarayon yakunlari haqida davom ettirdilar. Ularning nutqidan so'ng ota-onalarning o'quv yurti haqidagi fikrlari va takliflari eshitildi. Quvonarli jihati shu bo'ldiki, ota-onalar o'quv yurtidagi olib borilayotgan tizim, darslarning sifati, pedagoglarning talabalar oldiga qo'ygan talablar haqida ijobiy fikrlar bildirishdi.