Kuni kecha olim va pedagog Qayum Bahromov Buxoro davlat universiteti Tabiiy fanlar fakulteti gegrafiya ta`lim yo`nalishi talabalari bilan uchrashdi va ularning ishtirokida davra suhbati tashkil etildi. Davra suhbatining boshida Ekologiya va geografiya kafedrasi mudiri Y.D. Xolov g.f.n Qayum Bahromovning Buxoro davlat universitetidagi 1988-2010 yillarda olib borgan mehnat va ilmiy faoliyati haqida gapirib berdi. Pedagogning bugungi kunga qadar 55 dan ortiq qo`llanma va risolalari chop etilgan. Davra suhbatida Qayum Bahromov guruh talabalarining barchasi o`zining kitobidan esdalik uchun sovg`a berdi. Shundan so`ng olim o`zining pedagogik faoliyati haqida batafsil so`zlab berdi. Uchrashuv so`ngida talabalar o`zlarini qiziqtirgan savollarga javob oldilar.
