Kuni kecha Buxoro davlat universiteti Tabiiy fanlar fakulteti “Ekologiya va geografiya” kafedrasida “14- yanvar Vatan himoyachilari kuni” bayrami munosabati bilan “Vatanim sen-yagonamsan” tadbiri tashkil qilindi. Oʼzbekiston Respublikasi Prezidentining 2019 yil 13-dekabrdagi “Oʼzbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kunini nishonlashga tayyorgarlik koʼrish va oʼtkazish chora-tadbirlari toʼgʼrisida”gi F-5529-son farmoyishida belgilangan vazifalar hamda Vazirlikning 2019 yil 17 dekabrdagi 1152-sonli buyrugʼi ijrosini taʼminlash.Tadbirni tabiiy fanlar fakulteti yoshlar ishlari boʼyicha dekan muovini R. Yunusov ochib berib, tashrif buyurgan mehmonlarni Oʼzbekiston Respublikasi Qurolli Kuchlari tashkil etilganligining 28 yilligi hamda Vatan himoyachilari kuni bilan tabrikladi va soʼzni mehmonlarga berdilar. Xalqimizning “Bilagi zoʼr birni yengadi, bilimi zoʼr – mingni” degan maqolida chuqur maʼno bor. Shu nuqtai nazardan, hozirgi kunda Qurolli Kuchlarimizni modernizatsiya qilish, xususan, harbiy taʼlim sohasiga zamonaviy bilim, ilgʼor xorijiy tajribalar, axborot-kommunikatsiya texnologiyalarini keng joriy etish boʼyicha boshlagan ishlarimizni yangi bosqichga koʼtarishimiz zarur. Soʼzga chiqqan harbiy taʼlim fakulteti oʼqituvchisi podpolkovnik Hikmatov А.I. ayni vaqtda shaxsiy tarkib oʼrtasida milliy oʼzlikni anglash va jangovar ruhni, vatanparvarlik tarbiyasini kuchaytirish, harbiy xizmatchilarning intellektual salohiyatini yuksaltirish ham doimo eʼtiborimiz markazida boʼlishi lozimligi toʼgʼrisida toʼxtalib oʼtdi. Xalqimiz, ayniqsa, yoshlar oʼrtasida harbiy-vatanparvarlik tarbiyasini kuchaytirish, ushbu sohadagi qadriyat va anʼanalarimizni targʼib etish, askar va ofitserlarimizning zamon qahramonlari sifatidagi qiyofasini badiiy asarlar, spektakl va filmlar orqali keng yoritib berish alohida ahamiyatga ega. Bu borada taniqli olimlar, adib va shoirlarimiz, ijodkor ziyolilar, madaniyat namoyondalari yanada samarali faoliyat olib boradilar, deb ishonch bildiraman. Soʼzga chiqqan milliy gvardiya leytenanti Hayitov J., bugungi kun yurtimiz oʼgʼlonlari buyuk bobokalonimiz izdoshi boʼlib kelmoqda. Ulugʼ ajdodlarimizning maʼnaviy olami xususida fikr yuritganda, butun dunyoga maʼlum va mashhur boʼlgan sohibqiron Аmir Temur bobomiz haqida alohida toʼxtalishimiz tabiiydir. Chunki azmu shijoat, mardlik va donishmandlik ramzi boʼlgan bu mumtoz siymo buyuk saltanat barpo etib, davlatchilik borasida oʼzida ham amaliy, ham nazariy meros qoldirdi, ilmu fan, madaniyat, bunyodkorlik, din va maʼnaviyat rivojiga keng yoʼl ochdi. Hozirgi kunda milliy gvardiyaning kundan-kunga salohiyati, obroʼsini ortib borayotgani, xalqimizning tinch-osoyishtaligi yoʼlida olib borayotgan ishlari tahsinga sazovordir, chunki har bir yigitning orzusi mana shunday sharafni oʼz Vatani oldida bajarishdir. Hozirgi kunda Qurolli Kuchlarimizda yaratilib berilayotgan shart-sharoitlar, imtiyozlar haqida fikr yuritdi.Fotolavhalar:
