Maʼlumki, davlatimiz rahbari tomonidan ijtimoiy, maʼnaviy-maʼrifiy sohalardagi ishlarni yangi tizim asosida yoʼlga qoʼyish boʼyicha ilgari surilgan 5 ta muhim tashabbus asosida mamlakatimiz bo`ylab keng qamrovli tadbirlar amalga oshirilmoqda. Bu tashabbuslarning amaldagi tadbig`ini universitetimiz hayotida ham kuzatyapmiz.Kuni kecha Ingliz tilshunosligi kafedrasi o`qituvchilari M.R. Saparova, Z.X. Usmonova, Z.M. Majidova va ularning murabbiyligidagi guruh talabalari BuxDU huzuridagi TTJ da qator tadbirlar o`tkazdilar. Bu suhbat o`z-o`zidan M.R. Saparova boshchiligidagi «Men sevgan qahramon» mavzusidagi davra suhbatiga ulanib ketdi. Yoshlarni yot g`oyalardan saqlashning eng kuchli usuli – ularni kitobxolikka jalb etish. M.R. Saparova so`zga chiqib: «Kitob – tuganmas xazina, undan olgan bilimlarni umrning oxirigacha ham sarflay olmaymiz. Insonning undan yaqin hamrohi, doʼsti, maslahatchisi yoʼq. Negaki, u aqlni peshlovchi qayroqdir. Kitob tafakkur manbai boʼlgani uchun ham xalqimiz uni nonday aziz, muqaddas deb eʼzozlab, qadriga yetadi, sevib mutolaa qiladi. Buyuk mutafakkir Аlisher Navoiy hazratlari «Kitob – beminnat ustoz, bilim va maʼnaviy yuksalishga erishishning eng asosiy manbai», - deya taʼkidlagan boʼlsa, sohibqiron bobomiz Аmir Temur «Kitob – barcha bunyodkorlik, yaratuvchilik va aql-idrokning, ilmu donishning asosidir. Hayotni oʼrgatuvchi murabbiydir», - deya uqtirganliklari ta`kidlandi.Fotolavhalar:
