Ekstremizm va terrorizm taraqqiyot kushandasi, Islom dini yaxshilikka chorlaydi, terrorga emas... Qur'oni Karim ota-bobolarimizga ko‘r-ko‘rona taqlid kilishdan qaytarish bilan birga, faqat bir taraflama fikrlashdan ham qaytaradi va biror narsa qilmoqchi bo‘lsa, o‘sha narsaning yaxshisini tanlab olishga chaqiradi. Chunki, ko‘pgina kishilar biror narsani bir marta eshitsa yoki o‘qisa, shunga ishonib ketaveradilar. Lekin o‘sha narsani chuqurroq o‘ylab, yaxshi tarafini tanlash maqsadga muvofiq bo‘ladi. Bu haqiqatga Qur'on bundan 15 asr avval chaqirgan. Jonajon yurtimiz bugungi kunda dunyoga yuz tutayapti, O‘zbekistonimizni hamma tanib bormoqda. Biroq yurtning shu tinchligini, farovonligini, millatning totuvligini ko‘rolmaydigan g‘arazli siyosiy kuchlar mavjud bo‘lib, ular devor ortidan millatni, xalqni tinchligini buzishga harakat qiladi. Eng ayanchlisi pok Islom dinini niqob qilib, dahshatli niyatlarini amalga oshiradilar. Aslida din nima? Payg‘ambarimiz aytganlaridek, din bu-butun ummat uchun nasihat.U yaxshilikni, ezgulikni, poklikni o‘rgatadi. Ana shu mavzuni asos qilgan holda Buxoro davlat universitetikatta yig‘ingohida “Ekstremizm va terrorizm taraqqiyot kushandasi” mavzusida davra suhbati tashkil etildi. Davra suhbatida Viloyat IIB “Terrorizm va ekstremizmga qarshi kurash” boshqarmasi xodimi M.M.Karimov, Viloyat IIB “Terrorizm va ekstremizmga qarshi kurash” boshqarmasi xodimi, leytenant H. Hayitova, “Xo‘ja Ismat” jome' masjidi imom xatibi S.Gadoev hamda barcha fakul'tetlarning yoshlar bilan ishlash bo‘yicha dekan o‘rinbosarlari, professor-o‘qituvchilar, talabalar ishtirok etdilar. Davra suhbati ishtirokchilari talaba-yoshlarga O‘zbekiston azaldan turli millatga mansub, turli dinlarga e'tiqod qiluvchi xalqlar tinch-totuv yashagan o‘lka bo‘lib kelganligi, ajdodlarimiz boshqa din vakillariga doimo hurmat bilan munosabatda bo‘lgani, Vatan taraqqiyoti yo‘lida yelkadosh bo‘lib mehnat qilgani tarixiy manbalarda ko‘p qayd etilganligi, so‘nggi yillarda aqidaparast oqimlar yoshlar ichidagi faoliyatini mehnat migrantlarini ta'sir doirasiga olish, “hujralar” tashkil etish, diniy ekstremistik mazmundagi materiallarni elektron ko‘rinishda tarqatish, internet orqali targ‘ibot o‘tkazish kabi usullarda amalga oshirayotganligi to‘g‘risida tushuncha berib o‘tildi. Tadbirni o‘tkazishdan asosiy maqsad yurtimizda hukm surayotgan tinch va osuda hayotni asrash, uning mustaqilligi va barqarorligiga munosib hissamizni qo‘shish – har birimizning, shu aziz Vatanda yashayotgan barcha fuqarolarning, davlat yoki jamoat tashkilotida ishlashi, tadbirkor yoki boshqa kasb egasi bo‘lishidan qat'iy nazar, eng asosiy vazifalaridan bo‘lib qolmog‘i lozim ekanligidir.
