Kuni kecha Buxoro davlat universitetining markaziy yig`ingohida Buxoro viloyat IIB ning ma`sul xodimlari tomonidan "Jinoyatchilikka qarshi kurashish samaradorligini oshirish" mavzusida tushuntirish ishlari bo`lib o`tdi. Kun tartibidagi masala yuzasidan universitet Yoshlar bilan ishlash boʼyicha prorektori А.M. Kadirov davra suhbatini ochib, yoshlar oʼrtasida respublika boʼylab jinoyatchilik hamda huquqbuzarlikka oid sodir etilayotgan voqea-hodisalar, ogohlik va hushyorlikka daʼvat etish borasida barcha oliy taʼlim muassasalarida “Ichki ishlar xodimlari va yoshlar” shiori ostida qator tadbirlar amalga oshirib kelinayotganligi toʼgʼrisida batafsil maʼlumot berdi. Soʼz navbati Buxoro viloyat IIB huquqbuzarlik profilaktika boshqarmasi boshligʼi J.H.Boltaevga berildi.Bugungi davra suhbatini sizlar bilan dildan hech qanday maʼruzasiz suhbatlashamiz degan umiddaman. Zero, yurtboshimiz ham yoshlar bilan uchrashuv oʼtkazib, ular bilan dildan suhbatlashish, muammolarini oʼrganish, yechimini topish kabi vazifalarni yuklab qoʼydilar. Barchamiz bilamizki, rivojlangan davlatlarda taʼlim olish tizimi tabaqalashtirilgan. Bizdachi? Bilim olishimiz uchun rahbariyat tomonidan barcha shart sharoitlar yaratilgan, ota onalarimiz qoʼlimizga eng oxirgi rusumdagi telefonlarni olib bergan, yeb ichishimizda muammo yoʼq, yorugʼ, shinam xonalarda tahsil olmoqdasiz. Shunga javoban biz yurtboshimiz, ota-onamiz ishonchlarini oqlay olayapmizmi? Bizning respublikamiz boʼylab tabaqalashtirilgan taʼlim olish tizimi bormi? Hammamiz birdek ilm olib, yaxshi sharoitlarda yashab umr kechiryapmiz. Yoshlarning davlat siyosatiga, islohotlariga loqaydligi rahbariyatni tashvishga solib kelmoqda. Birgina IIB xodimlari tomonidan huquqbuzarlikka, jinoyatchilikka qarshi kurashib boʼlmaydi. Bu uchun barchamiz birdek masʼulmiz. Har bir talaba targʼibotchi tashviqotchi boʼlishi, maktablarning yuqori sinflariga tashrif buyurib, oʼquvchilar bilan suhbat olib borishi, hayotda toʼgʼri va aniq maqsad qoʼygan holda bilim olib borishi, ogoh hamda hushyorlikka daʼvat etib borishi uchun masʼuliyatni sezishi, kundalik vazifasi ekanligi anglashi zarur. Bugungi kunda voyaga yetmaganlar orasida sodir etilgan jinoyatlar, kechki paytda ota-ona nazoratidan chetda qolgan talabalarning tuban joylardan qaytarish borasida IIB xodimlari tomonidan olib borilgan ishlar, voyaga yetmaganlar orasida jinsiy aloqalarga kirish kuzatilmoqda. Barchamizning ukamiz, singlimiz, jiyanlarimiz bor, har bir talaba-yoshlar birdek targʼibotchi boʼlsa, qancha yoshlarni salbiy yoʼllardan qaytarishimiz mumkin. Navbatdagi soʼz Buxoro shahar Ichki Ishlar Organlari faoliyatini muvofiqlashtirish boshligʼi oʼrinbosari D.H.Jabborovga berildi: Bugungi kunda Buxoro shahridagi jinoyatchilik darajasining kamayganligi, biroq haliyam sodir etilayotgan jinoyatchilik, huquqbuzarliklar yoʼq emas. Prezidentimizning yoshlar toʼgʼrisida qaygʼurayotgani, ularning bandligini taʼminlash borasida qilayotgan islohotlar, ayniqsa, xotin-qizlar bandligini taʼminlash borasidagi islohotlar shular jumlasidan. Ijarada, qarindosh urugʼinikida istiqomat qilayotgan talabalar bilan profilaktika inspektorlarining olib borayotgan ishlari, yoʼl harakati qoidalariga amal qilib borish, yoʼl halokatlari sonini kamaytirish borasida IIB tomonidan bir qator tadbirlar amalga oshirib kelinmoqda. Shundan soʼng, Oʼzbekiston Respublikasi IIV Oʼz xavfsizligi boshqarmasi boshligʼi podpolkovnik А.H.Latipov davom ettirdi:Yurtboshimiz tomonidan qabul qilinayotgan barcha qaror va farmoyishlar yaxshilikka, ijobiy yuksalishga qaratilgan. Xuddi shuningdek, haftaning har payshanba kunlari profilaktika kuni deb eʼlon qilinishi bunga yaqqol misol boʼla oladi. Bu kunda profilaktika inspektorlari barcha taʼlim muassasalariga tashrif buyurib, oʼquvchilar, talabalar bilan suhbatda boʼladi. Huquqiy ong, huquqiy savodxonlikni oshirishga qaratilgan bunday tadbirlar, aholining barcha qatlamlaridagi insonlarning huquqiy madaniyatini yuksalishiga, jinoyatchilik hamda huquqbuzarliklarning oldini olishga xizmat qiladi.Taʼlim sohasida korruptsion holatlarning kuzatilishi, ularni oldini olish borasidagi tadbirlar, talabalar orasida Аxborot xavfsizligi kabi muammolar kuzatilmoqda. Man qilingan saytlarga kirish, mentalitetimizga toʼgʼri kelmaydigan pornografik saytlardan saqlanishimiz zarur. Barchamiz oʼzimiz yashab turgan hududni muhofaza qilsak, tozalik, ozodalikka rioya qilsak, maʼnaviyat va maʼrifatimizni yuksaltirsak respublikamizning qaysidir bir tuprogʼini gullab yashnashiga sababchi boʼlishimiz sharaflidir. Davra suhbati soʼngida davra suhbati ishtirokchilari hamda universitet talabalari orasida savol javob oʼtkazildi.1-savol: Аdliya Vazirligi tomonidan huquqiy bilimlarni oshirish borasida rasmiy veb-sayti tashkil etilib, turli xil tanlovlar, ragʼbatlantiruvchi sovgʼalar taqdim etilmoqda. Bu borada IIB tomonidan qanday ishlar amalga oshirilgan va tanlovlar oʼtkazilyaptimi? Javob:Oʼzbekiston Respublikasi IIV Oʼz xavfsizligi boshqarmasi boshligʼi podpolkovnik А.H.Latipov-IIBning ramiy veb-sayti mavjud, uning aʼzolari sonini orttirish borasida bir qator ishlar amalga oshirilmoqda. Talovlar masalasida talabalarga bu taklif uchun minnatdorchilik bildiraman. Аlbatta yaqin kunlarda ushbu masalalani muhokama etib, tanlovlar tashkil etamiz.2-savol: Biz farzandlarga hech qanday qimmatbaho sovgʼalar, telefonlar kerak emas, bizga oʼz eʼtibori va mehrini ayamaydigan ota-onalar kerak. Siz bu borada hayotda qanday otasiz?Javob: davra suhbati ishtirokchilari - oilada, farzandlar tarbiyasi borasida alohida eʼtibor qaratib, ularning taʼlim olishlari uchun barcha shart-sharoitlarni yaratib berishgani toʼgʼrisida gapirishdi.3-savol: Mening singlim maktabda tahsil oladi. Har darsda profilaktika inspektori kirib ularning telefonlarini olib qoʼyadi. Shu ish toʼgʼrimi? Javob: Oʼzbekiston Respublikasi IIV Oʼz xavfsizligi boshqarmasi boshligʼi podpolkovnik А.H.Latipov,Buxoro shahar Ichki Ishlar Organlari faoliyatini muvofiqlashtirish boshligʼi oʼrinbosari D.H.Jabborov -Tegishli ishlar amalga oshirilib, muammo ijobiy tarzda hal etiladi. Davra suhbati ochiq muloqot ruhida oʼtdi.Fotolavhalar:
