Oʼzbekiston Respublikasi Prezidenti Shavkat Mirziyoevning 2017 yil 18-20 sentyabr hamda 2018 yil 15-17 may kunlari Аmerika Qoʼshma Shtatlariga amalga oshirgan tashriflari ikki mamlakat munosabatlarining rivojlanishiga yangi turtki berdi. Ushbu tashriflar davomida Oʼzbekiston va Аmerika Qoʼshma Shtatlari oʼrtasidagi hamkorlikning muhim istiqbollarini belgilab beruvchi kelishuvlarga erishildi hamda oʼzaro hamkorlikni rivojlantirish uchun keng imkoniyatlar eshigi ochildi.16 dekabr kuni Buxoro davlat universiteti rektori Obidjon Xamidovning Аmerika Qoʼshma Shtatlarining Oʼzbekistondagi favqulodda va muxtor elchisi Deniel Rozenblyum bilan uchrashuvida ayni shu jihatlar muloqot asosini tashkil etdi. BuxDU rektori Elchi janoblariga Buxoro davlat universitetida boy va betakror tarixi, mavjud ijtimoiy-iqtisodiy salohiyati, ijtimoiy va madaniy-gumanitar sohada amalga oshirilayotgan ishlar, bu boradagi istiqbolli loyihalar haqida soʼzlab berdi.–Men Buxoro viloyatiga birinchi marta rasmiy tashrif bilan kelishim va bundan juda xursandman. Buxoro xaqida koʼp yillar davomida eshitganman va eshitganlarim orasida ushbu viloyat oʼziga xos madaniyati, anʼanalari va boy tarixiga ega ekanligiga shu yilning yozida oʼgʼlim bilan birgalikda kelganimda guvoh boʼlganman – deydi Deniel Rozenblyum. Tashrif davomida hamkorlikning istiqbolli yoʼnalishlari boʼyicha muzokaralar olib borildi. Elchi BuxDUda ACCESS loyihasida ta'lim olayotgan talabalar bilan uchrashdi.Buxoro davlat universiteti Matbuot kotibi Otabek Jalolov
