Buxoro davlat universiteti Jismoniy madaniyat fakulteti hamda Buxoro viloyat sogʼliqni saqlash boshqarmasiga qarashli Buxoro viloyat bolalar uyida “Bolalarga bering, dunyoni!” mavzuida davra suhbati tashkil etildi. Tadbirni Jismoniy madaniyat fakulteti xotin-qizlar qoʼmitasi raisi Z.Sh. Yusupova kirish soʼzi bilan ochib berdi. Bolalarning qanchalik begʼuborligi koʼnglining sofligi insonni oʼziga tortadi. Ularning samimiy kulgusi dunyo gʼamlarini bir muddat boʼlsa ham unutishga yordam beradi.Bugungi kunda Oʼzbekiston Respublikasi Prezidenti Sh.M. Mirziyoyev boshchiligida ilgari surilgan yoshlarni maʼnaviyatini yuksaltirish va ularning boʼsh vaqtini mazmunli tashkil etish bo`yicha 5 ta muhim tashabbusning barkamol avlodni tarbiyalash uchun zarur shart-sharoitlarni yaratish, hamda oʼquvchilarni fanlarga yanada qiziqtirish, boʼsh vaqtini mazmunli tashkil etish voyaga yetmagan yoshlarni turli yo`llarga kirishlarini oldini olish maqsadida olib borilayotgan ishlar haqida gapirdi. Prezidentimiz tashabbusi bilan jamiyatimizning barcha jabhalarida ijobiy oʼzgarishlar amalga oshirib kelinmoqda. Shu jumladan taʼlim sohasida juda ezgu va samarali ishlar olib borilmoqda. Xususan Buxoro viloyat sogʼliqni saqlash boshqarmasiga qarashli Buxoro viloyat bolalar uyida tadbir boʼlib oʼtdi. Bu tadbirda bolalarga yaxshi kayfiyat baxsh etdi. Yangi yil arafasida badiiylashtirilgan tadbir boshlanib bolalarga qorbobo, qorqiz va ertak qahramonlari ishtirokida boʼlib oʼtdi. Shundan keyin qorbobo tomonidan bolalarga sovgʼalar tarqatildi. Jismoniy madaniyat fakulteti talabalari tomonidan turli xil sahna koʼrinishlari, multfilmlardan olingan parchalar, sheʼrlar va koʼngil ochar musiqalar bilan ularni shod etdilar. Davlatimiz tomonidan olib borilayotgan yoshlarga oid islohotlar bagʼrikenglik tamoyiliga asoslandi. Jumladan imkoniyati cheklanganlar, mehribonlik uylardagi moddiy texnik bazalarning tubdan yangilanganligi hamda yurtdoshlarimiz qatori paraosiyo, olimpiada, paralimpiya arenalariga chiqishi va vatanimiz sharafini munosib himoya qilib oltin, kumush va bronza medallarini qoʼlga kiritib kelayotganliklari yoshlarimizning imkoniyatlardan unumli foydalanganliklaridan dalolat beradi. Tadbir soʼngida tashrif buyurgan mehmonlar tomonidan yoshlarda vatanparvarlik tuygʼularini yuksaltirish ularni har tomonlama barkamol qilib tarbiyalash har birimizning burchimiz ekanligi taʼkidlab oʼtdilar. Bundan tashqari bolalarni sportga jalb etish ular salomatligini mustahkamlash boʼyicha yanada kengroq ishlar amalga oshirilganligi xususida fikrlar bildirildi.
