Xalq ta’limi vazirligi hamda Oliy va o‘rta maxsus ta’lim vazirligining “Umumiy o‘rta ta’lim maktablarida “Yosh pedagoglar sinflari”ni tashkil etish to‘g‘risida”gi qaroriga ko‘ra 2020 yilning 11 yanvaridan o‘quvchilarda pedagogika kasbiga qiziqishni oshirish maqsadida respublikamizning barcha hududlarida bittadan, jami 14 ta umumta’lim muassasalarida “Yosh pedagoglar sinflar”i tashkil etiladi va ularga 30 nafar o‘quvchi qabul qilinadi.Qarorga binoan Buxoro viloyati Buxoro shahar 13-maktabida “Yosh pedagoglar sinfi” tashkil etiladi va unda zamonaviy pedagogikaning metod va uslublarini o‘rgatishga qaratilgan pedagogika hamda psixologiya bo‘yicha o‘quv dasturlari yaratiladi. “Yosh pedagoglar sinflari”ga Buxoro davlat universiteti pedagogika kafedrasi professor-o‘qituvchilari biriktirilgan. Joriy yilning 20 dekabr kuni ishchi guruh a'zolari maktab ma'muriyati bilan mazkur sinflarda professor-o‘qituvchilarning dars berish amaliyotini yo‘lga qo‘yish maqsadida ishlab chiqilgan "Yo‘l xaritasi"ni muhokama qildilar.
