Prezident Islom Karimov rahnamoligida jismoniy tarbiya va sportni rivojlantirish, navqiron avlodning sport bilan muntazam shug`ullanishi uchun qulay sharoit yaratish masalalariga alohida e`tibor qaratilmoqda. Davlatimiz rahbari tashabbusi bilan tashkil etilgan bolalar, o`smirlar hamda yoshlarni sportga jalb etishning uzluksiz, noyob, uch bosqichli tizimi - "Umid nihollari", "Barkamol avlod" va Universiada musobaqalari yurtimizda har tomonlama so g`lom va barkamol avlodni shakllantirishda muhim ahamiyat kasb etmoqda Oliy o`quv yurtlari talaba yoshlari o`rtasida o`tkazib kelinayotgan Universiada bahslarining navbatdagisi 2013 yilda Buxoroda o`tkaziladi. Ayni vaqtda viloyatda ushbu yirik musobaqaga qiz g`in hozirlik ko`rilmoqda. Musobaqaning ochilishi va yopilish marosimlari hamda yengil atletika bellashuvlari o`tkaziladigan "Buxoro" sport majmuasi "Universiada - 2013" musobaqalari munosabati bilan amalga oshiriladigan tadbirlar - jahon talablariga javob beradigan yirik hajmli elektron tablo, zamonaviy yoritgichlaр o`rnatish, yugurish yo`lakchalaridagi sun`iy qoplamalarni yangilash, majmua atrofini obodonlashtirish, avtomobillar turadigan joylarni ta`mirlash samarasida yanada zamonaviylik va mukammallik kasb etadi. Viloyat markazidagi "Humo" va "Dilkusho" tennis majmualari, Buxoro olimpiya zaxiralari kollejining sport zali, "Semurg`" sport majmuasi, "Dinamo" sport zali, Buxoro yuqori texnologiyalar muhandislik-texnika instituti ochiq sport majmuasi ham Universiada sport bellashuvlarini o`tkazish uchun shay holatga keltirilmoqda. Ayni paytda Buxoro davlat universitetida zamonaviy sport zali barpo etilayotir. Mazkur inshoot yonidagi futbol, voleybol, basketbol, qo`l to`pi maydonlaridan iborat majmua kapital ta`mirlangach, hudud o`ziga xos zamonaviy sport markaziga aylanadi. Musobaqa ishtirokchilarining yashashi uchun jami 2490 o`rinli talabalar turar joylari bosqichma-bosqich ta`mirlanmoqda. Universiada musobaqalari munosabati bilan shaharda bunyodkorlik ishlari ko`lami yanada kengaydi. "Buxoro" xalqaro aeroporti va Kogon shahridan viloyat markazigacha bo`lgan yo`llar va o`ndan ziyod asosiy ko`chalarda keng ko`lamli obodonlashtirish ishlari amalga oshirilmoqda. Jumladan, ko`chalar yoqasidagi bino va inshootlar zamonaviy ko`rkam qiyofa kasb etib, shahar markaziy ko`chalaridan o`tuvchi umumiy uzunligi 20,5 kilometrdan iborat yo`llar ta`mirlanadi. Universiada sport musobaqalari mamlakat talaba yoshlari hayotidagi unutilmas voqeadir. Shu bois ushbu katta sport bayramini yuksak saviyada o`tkazishga viloyat ahli ham har tomonlama hissa qo`shmoqda. Yaqinda tashkil etilgan "Universiada - 2013" xayriya hashari ana shu ezgu sa`y-harakatlarning o`ziga xos yorqin ifodasi bo`ldi. Viloyatda o`tadigan Universiada bahslariga buxorolik yoshlar ham qizg`in hozirlik ko`rmoqda. Ular orasida mamlakatimiz sharafini xalqaro musobaqalarda muvaffaqiyatli himoya qilib kelayotgan yosh sportchilar ham bor. E`tiborlisi, ularning ko`pchiligi avvalgi Universiada bellashuvlarida o`z mahoratini oshirgan. Binobarin, mazkur musobaqalardan ko`zlangan maqsad ham yoshlar orasidan yangi nomlarni kashf etish, ularni yanada chiniqtirib, mahorat va tajribasini oshirishdir. Masalan, 2002-yilgi Universiadada kurashchilar Shuhrat Xo`jaev, Ramziddin Saidov, futbol bo`yicha mamlakat milliy terma jamoasi a`zosi Ulug`bek Baqoev, dzyudo bo`yicha ikki karra jahon chempioni,Pekinva London Olimpiadalari bronza medallari sovrindori Rishod Sobirov kashf etilgan edi. "Umid nihollari" va "Barkamol avlod" musobaqalarida toblanib, katta sportga yo`llanma olgan ularning izdoshlari navbatdagi Universiadada bu an`anani munosib davom ettirishiga ishonchimiz komil. Mazkur musobaqalarda ishtirok etadigan yoshlarni aniqlash maqsadida viloyatdagi to`rt oliy o`quv yurtida dastlabki saralash bosqichi musobaqalari o`tkazildi. Unda o`z mahoratini namoyish etgan sportchi talabalar o`quv yurtlari o`rtasida o`tkazilgan bahslarda ishtirok etdi. - Basketbolchi yoshlarimiz Andijonda o`tkazilgan "Universiada - 2010" musobaqalarida uchinchi o`rinni qo`lga kiritgan edi, - deydi viloyat terma jamoasi bosh murabbiyi Igor' Burnashev. - Albatta, o`tgan davr mobaynida terma jamoamiz tarkibi ancha takomillashdi. Masalan, jamoaga yangi qo`shilgan Rustam Mingazov, Dadmer Asherov, Oleg Filin kabi yoshlar oliy liga jamoalari o`rtasidagi mamlakat chempionatida sovrindorlar safidan joy olish uchun intilayotgan "Universitet" jamoasi tarkibidan mustahkam o`rin egallashgan. Qolaversa, uch nafar basketbolchimiz O`zbekiston milliy terma jamoasi a`zosi hisoblanadi. Yigitlarimiz bu galgi musobaqalarda oltin medallar uchun kurashadi. Buxoroda kuchli dzyudo maktabi ham shakllangan. Bosh murabbiy Rustam To`raevning aytishicha, mamlakat chempionatlari va xalqaro musobaqalarda chiniqqan Rufat Rahmatullaev, Hayit Temirov, Ochil Husanov, Mirjon To`xtaev kabi sportchi yoshlardan tashkil topgan jamoa kuchlilar safidan o`rin olish uchun astoydil shug`ullanmoqda. Tayyorgarlik jarayonida ularga dunyoga mashhurbir necha polvonlar tarbiyalangan Olot tumanidagi 7-olimpiya ixtisoslashtirilgan sport maktab-internatining tajribali murabbiylari yaqindan yordam bermoqdalar. Buxorolik talaba yoshlar Universiada musobaqalari dasturidagi 12 sport turining barchasida sovrinli o`rinlar uchun kurash olib borishi shubhasiz. Viloyat terma jamoasi asosan Buxoro davlat universiteti vakillaridan shakllantirilmoqda. Lekin saralash bahslarida Buxoro yuqori texnologiyalar muhandislik-texnika instituti, tibbiyot instituti hamdaToshkentirrigatsiya va melioratsiya instituti Buxoro filiali talabalari orasidan ham ko`plab iste`dodlar kashf etilib, terma jamoa tarkibiga jalb etildi. Hademay, har bir sport turi bo`yicha jamoalar uchun tayyorgarlikning yakuniy bosqichi boshlanadi. Hozirlik jarayonida ular poytaxtimiz va boshqa shaharlarda o`tkaziladigan turnirlarda ishtirok etib, tajriba va mahoratlarini yanada oshiradilar.
