Buxoro davlat universiteti Xorijiy tillar fakulteti Filologiya va tillarni o’qitish (nemis tili) ta’lim yo’nalishi 10 nafar talabasi 1 nafar o’qituvchi rahbarligida 28 noyabrdan 9 dekabrgacha Germaniyaning Myunster shahrida joylashgan Vilhelm nomidagi Vestfaliya universiteti hamda Essen shahrida joylashgan Essen-Duisburg universitetlarida o’quv sayohatida bo’lib qaytishdi. O’quv sayohatining birinchi kuni Myunster universiteti talabalari va professor-o’qituvchilari uchun badiiy kecha tashkil qilindi. Badiiy kechada milliy raqs va qo’shiqlarimiz, turli sahna ko’rinishlari ijro etildi.Bundan tashqari o’quv sayohati davomida ikkala universitet professor-o’qituvchilarining ma’ruza, seminar va amaliy mashg’ulotlarida faol ishtirok etishdi. O’quv sayohati doirasida Germaniyaning Myunster, Ko’ln, Essen, Essen-Verden, Boxum va Frankfurt shaharlariga sayohatlar ham uyushtirildi.