28 noyabr kuni Buxoro davlat universiteti Xorijiy tillar fakultetida talabalar bilan "Konstitutsiya - baxtimiz qomusi" mavzusida davra suhabati tashkil etildi. «Konstitutsiya» atamasi oʼzining uzoq tarixiga ega. Masalan, qadimgi davrlarda «konstitutsiya» soʼzi siyosiy tuzumni bildirgan. XVII asrda Fransiyada bu soʼz orqali renta, renta shartnomasi ifodalangan, soʼngra qadimgi yunoncha maʼnosiga qaytilib, huquq bilan belgilanadigan davlat tuzilishini ifodalaydigan boʼlganlar.Buyuk fransuz inqilobi arafasida «konstitutsiya» atamasi bilan «davlatning tuzilishini» ifodalay boshlaganlar. Oʼzbekiston Respublikasining Konstitutsiyasi zamonaviy konstitutsiyaviy qurilishdagi umumeʼtirof etgan yondashuvlarni xalqning tarixiy, huquqiy, maʼnaviy tajribasi va anʼanalari bilan uzviy uyg`unlashtirilgan. Oʼzbekiston Respublikasi Konstitutsiyasi mamlakatimiz mustaqilligining muhim huquqiy asosi, tinch-osuda, farovon hayotimizning mustahkam kafolatidir. Oʼzbekiston Respublikasi Birinchi Prezidenti rahbarligidagi 64 kishidan iborat Konstitutsiyaviy komissiya tomonidan ikki yil davomida ishlab chiqilgan va ikki yarim oy davomida umumxalq muhokamasida boʼlgan Bosh Qomusimizning loyihasiga 1991 yil 31 avgustda qabul qilingan «Oʼzbekiston Respublikasining davlat mustaqilligi asoslari toʼgʼrisida»gi Konstitutsiyaviy qonun asos qilib olingandir. 1992-yil 8-dekabrda oʼn ikkinchi chaqiriq Oʼzbekiston Respublikasi Oliy Kengashining toʼqqizinchi sessiyasida 6-boʼlim, 26-bob, 128-modadan iborat Oʼzbekiston Respublikasi Konstitutsiyasi qabul qilindi. Konstitutsiya qabul qilingan kun 8-dekabr mamlakatimizda umumxalq bayrami sifatida dam olish kuni deb eʼlon qilindi. Mutaxassislarning eʼtirof etishlaricha, Oʼzbekiston Respublikasi Konstitutsiyasi tuzilishi va mazmuniga koʼra yurtimiz hududida unga qadar amalda boʼlgan konstitutsiyalardan butunlay farq qiladiki, bu uning mustaqillik gʼoyasi bilan sugʼorilganligi, xalqchilligi va demokratik tabiati bilan izohlanadi. Shuningdek, unda milliylik va umuminsoniylik printsiplariga ham nihoyatdan oziklik bilan yondashilgan. Konistitutsiyamizda jinsi, millati, dini, irqi, yoshi, eʼtiqodi, ijtimoiy kelib chiqishidan qatʼiy nazar barcha fuqarolarning teng huquqligi va boshqalarga koʼra inson huquqlari va eʼtiqod erkinligini muayyan darajada kamsitadigan birorta ham moddaning yoʼqligida, oʼylaymizki, ajdodlarimizdan meros boʼlib kelayotgan milliy qadriyatlarimiz va bebaho anʼanalarimizning beqiyos oʼrni bor. Ming yilliklar davomida ajdodlardan avlodlarga, ota-onalardan farzandlarga, vorislarga oʼtib kelayotgan va dunyoning hech bir burchagida takrorlanmaydigan ajoyib munosabatlarning, insoniy fazilatlarning Аsosiy Qonunimizdan oʼrin egallagani tahsinga sazovor. Tadbir davomida talabalarga shu ma`lumotlar tushuntirilib, ular bilan qizgʼin muloqot olib borildi. Buxoro davlat universiteti matbuot xizmati xodimi: Saidov Javohir