27-noyabr kuni Maktabgacha va boshlang`ich ta`lim fakultetida muhtaram Prezidentimiz tomonidan tashkil etilgan 5 tashabbusdan biri kitobxonlikni keng targ`ib qilish asosida Maktabgacha ta`lim kafedrasi katta o`qituvchilari S.S. Xodjayeva, M.M. Nigmatova boshchiligida 14-1MT-16 guruh talabalari o`rtasida "Eng faol bilimdon kitobxon" ko`rik-tanlovining 1-bosqichi tashkil etildi.Tanlovda kichik guruhlar shartlar asosida o`zlariga topshirilgan asarlar (O`. Hoshimov "Begona bahor", T.Malik "Iblis devori", A.Qodiriy "O`tgan kunlar") yuzasidan muzokaralar olib borishdi. Hakamlar hay`ati jamoalar tomonidan tayyorlangan chiqishlar, asardan parchalar, slayd hamda videoroliklarni xolisona baholagan holda, g`olib jamoani aniqlab, keyingi bosqichga yo`llanma berildi. Bundan tashqari tanlovda faol qatnashgan talabalar va ularning ota-onalariga tashakkurnomalar taqdim etildi. Buxoro davlat universiteti matbuot xizmati xodimi: Saidov Javohir
