O‘zbekiston Respublikasi Prezidentining 5 ta tashabbusining ikkinchi yo‘nalishi – «Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish» ijrosini ta'minlash hamda O‘zbekiston Respublikasi Konstitusiyasi qabul qilinganligining 27 yilligi bayramini munosib nishonlash hamda sog‘lom turmush tarzini targ‘ib qilish maqsadida «Matematika» kafedrasi tomonidan «Fizika-matematika» fakulteti talabalari o‘rtasida «800 metrga yugurish» va «Turnikka tortilish» musobaqasi tashkil qilindi.Tadbirni tashkil qilish davomida kafedra o‘qituvchilari va barcha yo‘nalishlar sardorlari ishtirokida musobaqa Nizomi ishlab chiqildi va shu asosida musobaqa tashkil qilindi. Tadbirni Fizika-matematika fakulteti dekani vazifasini bajaruvchi O.I. Jalolov va Yoshlar bilan ishlash bo‘yicha dekan muovini J.Z. Nuriddinovlar ochib berdi: yugurish va turnikka tortilish uchun alohida joy talab qilinmasligi, deyarli barcha fasl davomida ushbu sport turi bilan shug‘ullanish mumkinligi, yugurish bir qator kasalliklarni oldini olishda juda foydali ekanligi, yugurish - davolovchi xususiyatga ega emas, lekin uning ta'siri markaziy asab, shuningdek, yurak qon-tomir tizimlariga va organizmning o‘ziga ijobiy ta'sir ko‘rsatishi, yurak qon-tomir imkoniyatlarini kengaytirishi va natijada yurak mustahkamroq bo‘lishi haqida gapirib, talaba yoshlarni sport bilan ko‘proq shug‘ullanishlari ta'kidlandi.800 metrga yugurish musobaqasida talaba qizlar o‘rtasida 1-o‘rinni 1-5MAT-18 guruhi talabasi M. Usmonova, 2-o‘rinni 1-5MAT-19 guruhi talabasi Sh. Asadova, 3-o‘rinni 1-5MAT-18 guruhi talabasi L. Xayrullaeva, talaba o‘g‘il bolalar o‘rtasida o‘tkazilgan musobaqada 1-o‘rinni 1-5MAT-18 guruhi talabasi B. Beknazarov, 2-o‘rinni 1-5MAT-18 guruhi talabasi Sh. Obidov, 3-o‘rinni 1-1MAT-17 guruhi talabasi N. O‘roqovlar egallashdi.«Turnikka tortilish» musobaqasida faxrli 1-o‘rinni 1-1MAT-17 guruhi talabasi N. O‘roqov, 2-o‘rinni 1-4MAT-18 guruhi talabasi D. Xalikov, 3-o‘rinni 1-4MAT-18 guruhi talabasi S. Salimovlar egallashdi. G‘oliblar qimmatbaho sovg‘alar bilan taqdirlandilar. Musobaqaning yopilish marosimida turnirda faol ishtirok etib, yaxshi natijalarga erishgan talabalarga minnatdorchilik bildirildi.Aytish joizki, talabalar bilan natijalar bo‘yicha suhbatlashildi. Ular kelgusida yaqin va uzoq masofa hamda 4x400 metr estafetaga yugurishni taklif qilishdi va bir necha talabalar oldingi o‘tkazilgan musobaqalardan xulosa chiqarib, mustaqil ravishda sport bilan shug‘ullanayotganliklarini qayd qilishdi va bu kabi tadbirlarni muntazam ravishda o‘tkazib turish lozimligini ta'kidlashdi. Ushbu keltirilganlarni inobatga olib, o‘tkazilgan tadbirlar ijobiy samara bermoqda degan xulosaga kelindi.
