Shu yilning 12-dekabr kuni Buxoro davlat universitetiga O'zbekistondagi Hindiston elchixonasi madaniyat ishlari bo'yicha elchi o'rinbosari, Hindiston madaniyat markazi direktori prof. Chandr Shekhar tashrif buyurdi. Hindiston madaniyat markazi direktorini Buxoro davlat universiteti O.X. Xamidov kutib olib uchrashuv o'tkazdi. Uchrashuvda O'zbekiston-Hindiston aloqalarini yanada rivojlantirish, BuxDU huzurida Hindiston madaniyat markazini tashkil etish, madaniy, ilmiy, o'quv sohalarida hamkorlik olib borish borasida kelishuv o'rnatildi. Uchrashuvda shuningdek, BuxDU ilmiy ishlar va innovatsiyalar bo'yicha prorektori O.S. Qahhorov hamda Xorijiy tillar fakulteti Ingliz adabiyoti kafedrasi professor-o'qituvchilari F.M. Xajiyeva va M.B. Axmedovalar ishtirok etdilar. Kelajakda taʼlim sohasida turli loyihalar yaratish va BuxDU talaba yoshlarini, professor-o'qituvchilarini loyihalarga jalb qilish rejalashtirildi. BuxDU hamda Hindiston madaniyat markazi o'rtasida taʼlim sohasidagi hamkorlikning asosiy jihatlari, talabalar va oʼqituvchilarning ilmiy almashinuvi, yuqori malakali xodimlarni tayyorlashda hamkorlik qilish borasidagi ishlar muhokama qilindi. Ikki tomon uchun manfaatli kechgan uchrashuv soʼngida mehmonga estalik sovgʼalari rektorimiz Obidjon Xafizovich tomonidan ulashildi.Buxoro davlat universiteti Matbuot kotibi Otabek Jalolov