Kuni kecha BuxDU "Tasviriy san`at va muhandislik grafikasi" kafedrasi o`qituvchilari S.S. Аbdullayev, M.B.Аzimova, D.M.Badiyeva tomonidan Romitan tuman 40-maktabga tashrif buyirildi. Tashrifdan asosiy maqsad maktab moddiy-texnik bazasining holatini o`rganish edi.Tahlilllarga ko`ra, Romitan tumanidagi Qizilravot QFY Gugurli q\q 40-son oʼrta umumtaʼlim maktabida jami sakkiz nafar oʼquvchiga taʼlim berilib kelinmoqda. Taʼlim oʼzbek tilida olib borilmoqda, oʼqituvchilar soni olti nafardan iborat boʼlib, shulardan oltitasi oliy maʼlumotli mutaxassis oʼqituvchi. Oʼqituvchilarning barchasi toifasiz. Olti nafar oʼqituvchidan ikkitasi erkak. Maktabda oʼquv labaratoriya jihozlari mavjud emas, olti dona kompyuter bilan taʼminlangan. Internet tarmogʼiga ulanmagan, sportzal va stadion mavjud emas. Аxborot resurs markazi fondi kitoblari bilan taʼminlangan bundan tashqari darsliklar ham mavjud. Badiiy adabiyotlar ham bor. 2019 oʼquv yilida maktabga sovgʼa tariqasida oʼn to`qqizta kitob sovgʼa qilindi. Mazkur maktabning oʼquvchilari boʼsh vaqtlarini mazmunli tashkil etish boʼyicha yoʼlga qoʼyilgan. Maktabda yettita toʼgaraklar tashkil etilgan va faoliyat koʼrsatib kelinmoqda, shulardan birtasi sport toʼgaragidir. Аytish lozimki, bu maktab bilan ilk maʼlumotlar orqali tanishish deb bilamiz va yaqin kelajakda ushbu maktab bilan hamkorlik olib borishga harakat qilamiz.
