Buxoro davlat universiteti “Islom tarixi va manbashunosligi, falsafa” kafedrasi katta oʼqituvchisi Narziev Zubaydillo Ibodullaevich joriy yilning 22 dekabr sanasida boʼlib oʼtadigan Oʼzbekiston Respublikasi Oliy Majlisi Qonunchilik palatasi deputatlari va mahalliy kengashlar deputatlari saylovi kuni munosabati bilan Buxoro shahridagi “Infinbank”da “Yangi Oʼzbekiston-yangi saylovlar” mavzusida davra suhbati oʼtkazdi.Mazkur davra suhbatida bank xodimlariga oldimizda katta siyosiy tadbirning eng ustuvor yoʼnalishlari xususan, Saylov kodeksi va undan oʼrin olgan 30 dan ortiq yangi normalarda oʼz ifodasini topgan koʼplab oʼzgarishlarning mazmun mohiyati, saylov qonunchiligidagi yangiliklar haqida maʼlumot berildi. Shuningdek, saylov qonunchiligi boʼyicha ekspertlar, jumladan, xorijiy va xalqaro ekspertlar mamlakatimizning Saylov kodeksidan gʼoyat muhim va zamonaviy oʼzgarishlar joy olganini keng eʼtirof etayotgani, Kodeks saylovlarni umumeʼtirof etilgan xalqaro standartlar va printsiplar asosida demokratik, ochiq-oshkora va shaffof oʼtkazishga xizmat qilishi, yana bir muhim yangilik – “Bir saylovchi – bitta ovozga ega” tamoyilini taʼminlash maqsadida, Oʼzbekistonning milliy saylov tizimiga Saylov jarayonini boshqarish axborot tizimi va Saylovchilarning yagona elektron roʼyxati joriy etilishi haqida maʼlumotlar berildi.
