2019-yil 10-oktabr kuni Pedagogika fakulteti 4-2PPS-18 guruh talabalari tomonidan "Mening universitetim" nomli tadbir o'tkazildi. Mazkur tadbirni ochib berish uchun so'z Buxoro davlat universiteti Yoshlar bilan ishlash bo'yicha prorektor A.M. Qodirovga berildi. Bir qator mehmonlar so'zga chiqib barcha talabalarni bayram bilan qutladilar. Buxoro davlat universitetining tarixi haqida tayyorlangan taqdimot katta ekranda namoyish etilib, barcha talabalar va mehmonlarning e'tiborini o'ziga qaratdi. Shu bilan birga Buxoro shahar 17-sonli umumta'lim maktabining bolalari ajoyib she'r va qo'shiqlar aytib tadbirimizga o'zgacha xursandchilik ulashdilar. Pedagogika fakulteti dekani Muxtorov E.M. so'zga chiqib, Buxoro azaldan ilm-u ma'rifat maskani ekanligi va bu diyordan qanchadan qancha mutafakkirlar yetishib chiqqanligi, bugungi yoshlar ularning munosib davomchilari bo'lishi kerakligi haqida aytib o'tdilar. Tadbir davomida San'atshunoslik fakulteti talabalari tomonidan Vatanparvarlikni va Ustozlarni madh etuvchi qo'shiqlar ijro etildi.
