O’zbekiston Respublikasi Prezidenti Sh. M. Mirziyoyevning 5 ta muhim tashabbuslaridan biri bo’lgan Ikkinchi tashabbusi “Yoshlarni jismoniy chiniqtirish, ularning sport sohasida qobiliyatini namoyon qilish” asosida 2019-yilning 1-10-oktabr kunlari Buxoro davlat universitetida professor-o’qituvchilar o’rtasida sport musobaqalari bo’lib o’tdi. Universitet professor-o’qituvchilari jamoalari sportning mini futbol turi bo’yicha o’zaro kuch sinashdilar. Ushbu musobaqada Tarix va madaniy meros fakulteti professor-o’qituvchilari jamoasi faxrli I-o’rinni egallab universitet rektori O.X. Xamidov tomonidan tashakkurnomalar, medallar hamda qimmatbaho sovg’alar bilan taqdirlandilar. Ushbu musobaqa ko’tarinki kayfiyatda o’tib barcha ishtirokchilarni sportga bo’lgan e’tiborini oshishiga olib keldi.