Buxoro viloyat Buxoro shahar 9- umumtaʼlim oʼrta maktabida oʼquvchi yoshlar bilan ishlashni samarali tashkil etishda madaniyat, sanʼat, sport, axborot texnologiyalari, kitob oʼqishga qiziqishini oshirish, oʼquvchilarni ijtimoiy faol hayotga jalb etish boʼyicha Oʼzbekiston Respublikasi Prezidenti tomonidan ilgari surilgan 5 ta muhim tashabbusning ikkinchi tashabbusi yuzasidan davra suhbati oʼtkazildi. Ushbu davra suhbatiga Buxoro davlat universitetining Jismoniy madaniyat fakulteti professor-oʼqituvchilari N.I. Davronov, N.А. Munirov, Q.Q. Qobiljonov jismoniy madaniyat fakulteti faol talabalari 9-maktab direktori I.R. Turaev, maktab oʼquv ishlari boʼyicha direktor oʼrinbosari N.I. Narzullaeva, jismoniy tarbiya fani oʼqituvchisi А. Toʼraev qatnashdilar.Davra suhbatini maktab direktori I.R. Turaev ochib berdi. Buxoro davlat universitetining Jismoniy madaniyat fakulteti professor-oʼqituvchilari N.I. Davronov, N.А. Munirov, Q.Q. Qobiljonovlar soʼzga chiqib, ikkinchi tashabbus yoshlarni jismoniy chiniqtirish, ularning sport sohasida qobiliyatlarini qilishlari uchun zarur shart sharoitlar yaratilganligi tufayli oʼquvchi oʼgʼil-qizlarning erishgan yutuqlari, oliy oʼquv yurtiga imtiyozli oʼqishga kirgan qizlar, ular orasida Zulfiya nomli davlat mukofoti sovrindorlari borligi haqida aytdi.Sportning taekvando turi boʼyicha 2 karra osiyo sovrindori, Oʼzbek jang sanʼati boʼyicha 6 karra Oʼzbekiston chempioni Zulfiya nomidagi Davlat mukofoti laureati 2-bosqich talabasi soʼzga chiqib, erishgan yutuqlari zamirida tinimsiz mehnat va mashq qilganlari haqida gapirdi. Kamilova Malika, Аdizova Sabina, Аdizova Kamila, Ramazonova Gulruxlar Singapur davlatida boʼlib oʼtgan osiyo kubogida chim ustida xokkey sport turi buyicha faxrli 2 oʼrinni egallaganlar. Bir necha karra Oʼzbekiston chempionlari, Jahon miqiyosidagi xalqaro turnirlar gʼolibi. Sportchi qizlarning chiqishi maktab oʼquvchilarida havas hisini uygʼotishda, ularning sportga boʼlgan qiziqishlarini oshirishda muhim ahamiyat kasb etdi. Oʼquvchi yoshlar oʼzlarini qiziqtirgan savollariga javob olishdi.
