Shu yilning 24-sentabr kuni Buxoro davlat universiteti Tarix va madaniy meros fakultetida Buxoro tarixi kafedrasi tomonidan Prezidentimiz tomonidan 2019-yil 1-sentabrda tashkil etilgan “Oʼzbekiston tarixi” telekanali mazmun-mohiyatiga bagʼishlangan “TАMАDDUN TАRIXINING TАRАNNUMI” nomli maʼnaviy-maʼrifiy tadbir oʼtkazildi. Tadbirda BuxDU Buxoro tarixi kafedrasi professori, tarix fanlari doktori H.H. Toʼraev, kafedra professor-o’qituvchilari M.B. Qurbonova, Gʼ.N. Kurbanov, Sh.U. Bobojonov, Sanʼatshunoslik fakulteti “Musiqa taʼlimi” kafedrasi oʼqituvchisi T. Rajabov, “Vokal va cholgʼu ijrochiligi” yoʼnalishi talabalari, Buxoro tarixi kafedrasi katta oʼqituvchisi F.X. Oʼtaeva, 1-kurs Buxoro tarixi va arxeologiya taʼlim yoʼnalishi, 3-arxivshunoslik taʼlim yoʼnalishi guruhi talabalari, guruh murabbiylari D. Jamolova, G. Toʼraevalar qatnashdilar.Ushbu tadbirda Prezident Sh.M. Mirziyoyevning 2019-yil 11-iyuldagi “Oʼzbekiston tarixi” telekanalini tashkil etish chora-tadbirlari toʼgʼrisida”gi qarori, Buxoro – ochiq osmon ostidagi muzey shahar yoxud Buxoroning saqlab qolish muammolari, “Oʼzbekiston tarixi” telekanali dasturlarida etnografik mavzularning yoritilishi, Buxoro ziyoratgohlari va muqaddas qadamjolari “Oʼzbekiston tarixi” telekanali nigohida, Buxoro tarixi taʼlim yoʼnalishi talabasi boʼlish baxt kabi mavzularda ma’ruzalar tinglandi.
