Buxoro davlat universiteti Pedagogika fakulteti Pedagogika kafedrasi professor-o‘qituvchilari hamda faol talabalari Kogon shahridagi 5-umumiy o‘rta ta’lim maktabida bo‘lib, O‘zbekiston Respublikasi prezidentining 5 ta muhim tashabbusdan biri “O‘quvchi-yoshlar o‘rtasida kompyuter texnologiyalari va internet tarmog‘idan samarali foydalanish” bo‘yicha targ‘ibot-tashviqot ishlarini hamda “Kompyuter savodxonligi” to‘garagi faoliyatini samarali tashkil etish yuzasidan metodik yordam ko‘rsatishdi.Pedagogika fanlari dotsenti Q. Abdullaev Buxoro davlat universiteti Pedagogika psixologiya yo‘nalishi talabalari hamda 5-umumiy o‘rta ta’lim maktabi “Kitob-tafakkur xazinasi” mavzusida hamkorlikda tashkil etilgan ma’naviy-ma’rifiy tadbiri yig‘ilganlarga manzur bo‘ldi. Shuningdek, Pedagogika fakultetining professor-o‘qituvchilari Kogon shahridagi Furqat mahalla fuqarolar yig‘inida bo‘lib, 147 nafar maktab yoshidagi bolalarni ta’limga jalb etish bo‘yicha mahalla aholisi o‘rtasida tushuntirish ishlarini olib bordilar.
