Buxoro davlat universitetiga Toshkent davlat iqtisodiyot universitetidan o‘zaro hamkorlik, o‘rganish va tajriba almashish maqsadida tashrif buyurgan ishchi guruh a’zolari Fizika-matematika fakul`tetida bo‘lishdi. Fakul`tet dekani vazifasini bajaruvchi M.Daminov ishchi guruh a’zolarini o‘quv jarayonining tashkil qilinganligi, fakul`tet va kafedralar faoliyati, ilmiy-innovatsion va ma’naviy-ma’rifiy ishlar bilan tanishtirdi.Ishchi guruh a’zolari kafedralar mudirlari va professor-o‘qituvchilari bilan muloqot o‘tkazdilar. Muloqot davomida ijro intizomi ni yaxshilash, ta’lim sifati va samaradorligini ta’minlash, o‘quv jarayonini innovatsion texnologiyalar asosida tashkil etish, talabalarni ilmiy tadqiqot jarayonlariga jalb qilish, istiqbolda ilmiy loyihalar, xo‘jalik shartnomalari hamda innovatsion ishlanmalarni ko‘paytirish asosida fakul`tet moddiy-texnika bazasini yanada mustahkamlash borasida fikr almashildi.Mehmonlar “Fizika” kafedrasiga Germaniyadan keltirilgan va o‘quv jarayonida foydalanilayotgan 6 ta zamonaviy o‘quv laboratoriyalarini ko‘zdan kechirishdi. Ushbu laboratoriyalardan samarali foydalanish talabalarning amaliy ko‘nikmalari va malakalarini mustahkamlashga xizmat qilishi ta’kidlandi.
