Buxoro davlat universitetida Fuqaro muhofazasi bo‘yicha ko‘rgazmali amaliy o‘quv mashg‘uloti bo‘lib o‘tdi. Ushbu yig‘ilishda BuxDU Fuqaro muhofazasi tuzilmalari shaxsiy tarkibi ham tasdiqlandi.O‘quv mashg‘ulotida Buxoro shahar IIB YOXB boshlig‘i o‘rinbosari kapitan F.Fatullayev, oliygoh Fuqaro muhofazasi tuzilmalari shaxsiy tarkibidagi 68 nafardan iborat o‘qituvchi va ishchi-xodimlar ishtirok etdilar.Tadbirni BuxDU Fuqaro va mehnat muhofazasi bo‘lim boshlig‘i F.Boltayev boshqarib, kun tartibidagi masalalar yuzasidan o‘z fikr-mulohazalarini bayon etdi. Bo‘lim muxandisi I.Hamroyev ma’ruzasidan so‘ng esa mavzuga daxldor videorolik namoyish etildi.Buxoro shahar IIB YOХB boshlig‘i o‘rinbosari kapitan F.Fatullayev dunyoda, mamlakatimizda va Buxoro shahar hududida sodir bo‘layotgan yong‘inlar oqibatlariga to‘xtalib, elektr va issiqlik energiyasida xavfsiz hamda oqilona foydalanishda texnika va yong‘in xavfsizligiga rioya qilishga chaqirib hammani hamkorlikka chorladi.Mannon OtaboyBuxDU matbuot kotibi
