BuxDU filologiya fakultetining rus tili va adabiyoti kafedrasi kelajak avlod tarbiyasiga katta ahamiyat berib, talabalarni o`zbek xalqining an’analari va urf-odatlarini hurmat qilish ruhida tarbiyalashga katta e'tibor qaratmoqda.18-mart kuni Buxoro davlat universitetining majlislar zalida bahor bayramiga bag`ishlangan “Navro`z - xalq va millatlar hamdo`stligi” nomli bayram tadbiri bo`lib o`tdi. Tadbir doirasida talabalar milliy taomlar ko`rgazmasini tashkil etdilar. Dastur an’anaviy o`yinlar, turli xalqlar qo`shiqlari va raqslari bilan boyitilgan edi. Haqiqatan ham qadimiy Navro`z bayramiga bagishlangan tadbir barchaga ko`tarinki kayfiyat bag`ishladi.
