Britaniyalik ekspert Rod Bolito janoblari Buxoro davlat universitetiga tashrif buyurdi. Tashrifdan ko‘zlangan maqsad Britaniya elchixonasi qoshidagi Britaniya Kengashi ko‘magida BuxDUning filologiya fakultetida tashkil etilgan “Kasbiy rivojlanish markazi” faoliyatini rivojlantirishga yordam berishdan iborat.Shu maqsadda Rod Bolito janoblari ingliz tili yo‘nalishida master klass o‘tkazdi. Unda viloyatimizdagi hamda qo‘shni Qozog‘iston va Qirg‘iziston oliygohlarida ingliz tilidan dars berayotgan o‘qituvchilar va xorijiy mutaxassis ma’ruzasiga qiziqish bildirgan talabalar ham ishtirok etmoqdalar.Britaniya Kengashi ushbu markazni darslik va qo‘llanmalar bilan ta’minlab kelmoqda. Bugun o‘tayotgan o‘qituvchilar kasbiy malakasini oshirishning turli usullari va metodlarini targ‘ib qilish bo‘yicha seminar trening (master klass) ishtirokchilarga katta qiziqish uyg‘otdi.Dunyoning rivojlangan oliygohlari beshtaligiga kiruvchi Angliyaning Norvich o‘qituvchilar malakasini oshirish instituti prorektori lavozimida faoliyat yuritgan Rod Bolito janoblari “Kasbiy rivojlanish markazi”da har bir o‘qituvchi bilan alohida muloqotlar ham olib bordi.Tushdan so‘ng BuxDUning Axborot resurs markazida Toshkent madaniyat instituti talabalari angliyalik rejissyor bilan Jamol Kamol tarjimasi asosida sahnalashtirgan “Gamlet” spektaklini namoyish etdilar.Seminar trening ishtirokchilari o‘tkazilgan master klassdan o‘zlari uchun zarur yangilik va ma’lumotlarga ega bo‘lishdi.BuxDU matbuot xizmatiMannon Otaboy
