Ertalabki tezkor yig`inda BuxDU rektori Obidjon Xamidov viloyat hokimligida bo‘lib o‘tgan yig‘ilishda Prezidentimiz rahnamoligida yurtimizda keng quloch yoygan 5 ta tashabbus bo‘yicha viloyat hokimligining yoshlarni madaniyat, san’at, sport, axborot texnologiyalari, kitob o‘qishga keng jalb qilish, ularning bo‘sh vaqtlarini mazmunli tashkil etish bo‘yicha kompleks chora-tadbirlar dasturi ishlab chiqilganini ta’kidlab o‘tdi.Ushbu dastur asosida Buxoro davlat universiteti professor-o‘qituvchilari zimmasiga ham mas’uliyatli vazifalar yuklanganiga to‘xtalib, dekanlar, kafedra mudirlari va bo‘lim boshliqlariga zarur ko‘rsatmalar berdi.Besh tashabbus bo‘yicha oliygoh professor-o‘qituvchilari peshqadam bo‘lishlari, viloyat hududlari bo‘ylab kitobxonlik targ‘ibotlarini amalga oshirish, universitetda “Eng zukko kitobxon”, “Kitob-mening yo‘ldoshim” kabi ko‘rik tanlovlar, shuningdek talabalar o‘rtasida sport haftaliklari tashkil etish, 9-may “Xotira va qadrlash kuni”da esa ularni final bosqichini o‘tkazish bo‘yicha tegishli mas’ullarga tavsiyalar ham berib o‘tildi.Talabalarga o‘qilgan kitoblarini sahna ko‘rinishida taqdimotini o‘tkazishlariga sharoit yaratish, eng yaxshi taqdimotlarni taqdirlash, ularni boshqa talabalarga o‘rnak sifatida ko‘rsatish ham kitobxonlik targ‘ibotida yaxshi samaralar berishini unutmaslik zarur-dedi rektor. Jumladan, yig‘ilish ishtirokchilari e’tiborini, talabalar kiyinish madaniyatiga, telefonlardan auditoriyalarda foydalanmaslik, talabalar turar joylardagi tarbiya-intizomga ham e’tibor qaratishga chaqirdi.Kafedralarning ilmiy salohiyatini oshirish maqsadida yosh o‘qituvchilarning ilmiy ishlarini, qo‘llab-quvvatlash, “Ustoz-shogird” yo‘nalishdagi tizimni yanada kuchaytirish ezgu maqsadlarimiz ro‘yobiga xizmat qilishiga to‘xtaldi. Universitet saytiga har kunlik yangiliklar, qilinayotgan ishlar kiritib borilishi shartligi ham alohida ta’kidlandi.Shundan so‘ng Yoshlar bilan ishlash bo‘yicha prorektor A.Kadirov, ilmiy ishlar va innovatsiyalar bo‘yicha prorektor O.Qahhorov o‘z yo‘nalishlari bo‘yicha amalga oshirilishi kerak bo‘lgan ishlar haqida gaplashib olishdi.Mannon OtaboyBuxDU matbuot kotibi
