Universitet rektori O.Xamidov bugun 13 aprel kuni Tabiiy fanlar fakultetida bo`lib, auditoriya fondi, laboratoriya xonalarining jihozlanganligi va ulardan foydalanish darajasi bilan tanishdi. Aniqlangan muammo va kamchiliklarni tuzatish bo`yicha kerakli topshiriqlar berildi. Shu bilan birga, rektorimiz “Zoologiya” muzeyi va unda saqlanayotgan eksponatlarni ko`zdan kechirdi. Eksponatlarning saqlanishi va ularni muntazam yangilab borilishi, chet elliklarning qiziqishni orttirish maqsadida muzeyning veb saytini yaratish yuzasidan fakultet dekani va kafedra mudiriga ko`rsatmalar berildi. Shu kunni o`zida rektor Buxoro shahar Alpomish ko`chasida joylashgan Axborot texnologiyalari kollejida bo`ldilar va u erda joylashgan sirtqi bo`lim faoliyati bilan tanishdilar. Jumladan, u erda talabalarga yaratilgan sharoitlar o`rganib chiqildi va qo`shimcha imkoniyatlar yaratish xususida topshiriqlar berildi. Mazkur kollejda faoliyat yuritayotgan xususiy maktab faoliyati ham o`rganilib, tegishli tavsiyalar berildi. Shuningdek, rektor Maktabgacha va boshlang`ich ta`lim, Pedagogika va Jismoniy madaniyat fakultetlarida bo`lib, professor-o`qituvchilar va talabalar bilan uchrashdilar. Mazkur fakultetlarda ham auditoriya fondidan samarali foydlanish, o`quv jarayonini muvaffaqiyatli yuritish, talabalarning ma`naviy va aqliy salohiyatini oshirish borasida yo`l qo`yilayotgan kamchiliklarni tuzatish ko`rsatib o`tildi. O`quv auditoriyalarda telefondan foydalanish, talabaga mos bo`lgan kiyimda kelishni ta`minlash bo`yicha fakultet rahbariyatiga uqtirib o`tildi.