Sizdan telegramm: Buxoro – “Viloyat hokimi buyrug‘i bilan talabalar stipendiyasidan futbol klubiga pul ushlab qolinmoqda”-degan xabar 21-noyabr kuni Ozodlikka jo‘natilgan ekan.Avvalo, xabarni bunchalik bo‘rtirish kimga kerak. Har bir ma’lumot yoki axborot oldin o‘rganilmaydimi? Xo‘sh, xabar bo‘yicha asl ahvol qanday?Buxoro davlat universitetining moliya ishlari bo‘yicha prorektori Olim Raximov va BuxDU bosh hisobchi o‘rinbosari Zebo Ismoilovaning ta’kidlashicha, na o‘qituvchi-professorlar maoshidan, na talabalar stipendiyasidan “Buxoro” futbol klubi uchun hech qanday pul ushlab qolinmagan va o‘tkazilmagan.To‘g‘ri, “Buxoro” futbol jamoasining yillik o‘yin uchun bir martalik chiptalar berilgan, ammo uni sotish yoki sotib olish majburiy qilib qo‘yilmagan. Faqat xoxlovchilar sotib olishadi.Shunga ko‘ra hozirgacha birorta talaba yoki o‘qituvchiga majburlab chipta sotilmagan. Qolaversa, chipta faqat o‘qituvchi va ishchi-xodimlarigagina tarqatilishi mumkin. U ham ixtiyoriy ravishda. Agar talabalarni chipta olish uchun majburlash holati bo‘lgan bo‘lsa rektoratga murojaat qilsa masala joyida hal bo‘ladi. Demak, yaxshi o‘rganilmagan xabarni doston qilish kasb etikasiga to‘g‘ri kelarmikan.Xo‘sh, unda chiptalar sotuvchi tashkilotdan nega qabul qilingan?Shunday shinavandalar borki, futbol o‘yini boshlanishi arafasida bilet bilan ovora bo‘lib qolishni istashmaydi. Bunday muxlislarga bir martalik yillik chipta qulay. U misoli yashil chiroq, kassalar oldida qimmatli daqiqalaringizni behuda ketkazmaysiz.Xuddi shunday muxlislar BuxDUda ham bo‘lishi tabbiy. Kimga kerak bo‘lsa o‘z xoxishi bilan sotib oladi, qolgan chiptalar bergan tashkilotga qaytariladi. Yo‘q joydan chang chiqarish yaxshi emas.BuxDU matbuot markazi
