Bugun 26- noyabr kuni Buxoro davlat universiteti faollar zalida "Oilasida baxtli inson - har yerda baxtli" shiori ostida "Mustahkam oila sari yosh oilalar forumi" bo'lib o'tdi. Forumni universitet yoshlar yetakchisi F. Nurullayev ochib berdi. Bundan tashqari mazkur forumda Buxoro shahar xotin qizlar qo'mitasi vakili G. Ergashova, viloyat yoshlar ittifoqi xodimi N. Zoyirova, BuxDU xotin-qizlar raisi O. Adizova hamda O'zbekiston Respublikasi yoshlar ittifoqi markaziy Kengashi xodimlari va "Yoshlar ovozi" gazetasi muharriri J. Bafoyev va boshqa mehmonlar ishtirok etib, oilaning asl mohiyati qanday ekanligi, uni mustahkamligini ta'minlashda biz yoshlarning vazifamiz nimalardan iborat ekanligi to'g'risida so'z yuritdilar."Oilaning mustahkamligini ta'minlash har birimizning zimmamizga salmoqli vazifa yuklaydi. Bir oilaning barbod bo'lishi vatanimiz ravnaqiga juda katta putur yetishi demakdir. Ma'naviy jihatdan kamol topgan bugunning yoshlari esa oilaning qadrini tushunishadi", - deydi Maktabgacha va Boshlang'ich ta'lim fakulteti ma'naviy - ma'rifiy ishlar bo'yicha dekan o'rinbosari N. Safarova.O'ylaymizki bunday uchrashuvlarni tashkil etish yangi hayot ostonasiga qadam qo'yayotgan yoshlarga ibrat maktabini o'tashi shubhasiz. BuxDU yoshlar kengashi raisi F.F. Nurullayev
