O‘zbekiston Respublikasi Xotin-qizlar qo‘mitasining tashabbusi bilan respublika miqyosida o‘tkazilgan “100 ta eng yaxshi innovatsion loyihalar” tanlovi doirasida Buxoro viloyatida o‘tkazilgan “Eng yaxshi ixtiro”, “Eng yaxshi foydali modelь”, “Eng yaxshi sanoat na‘munasi”,“Eng yaxshi EHM uchun yaratilgan dastur va ma‘lumotlar bazasi”, “Eng samarali innovatsion loyiha (fan va texnologiyalarning barcha ustuvor yo‘nalishlari bo‘yicha, “Eng yaxshi biznes loyiha”, “Omadli start (o‘z kichik korxonalarida innovatsion mahsulotlarni joriy qilmoqchi bo‘layotgan tadbirkor ayollar uchun”, “Hunarmand xotin-qizlarning eng yaxshi innovatsion loyihasi”, “Ijtimoiy soha bo‘yicha eng yaxshi innovatsion loyiha”, “Iqtidorli qizning eng istiqbolli innovatsion g‘oyasi” bo‘yicha jami 10 ta nominatsiyada 30 nafardan ortiq xotin-qizlar ishtirok etdi. Ushbu tanlovda Buxoro davlat universitetining Turizm fakulьteti “Tasviriy san‘at va muxandislik grafikasi” kafedrasi katta o‘qituvchisi D.Ma‘murova “Chinni buyumlarda o‘zbek milliyligini (rang tasvirda) aks ettirish” loyihasi bilan “Hunarmand xotin-qizlarning eng yaxshi innovatsion loyihasi” nominatsiyasida, “Iqtisodiyot” kafedrasi katta o‘qituvchisi H.Turobova “Agroturizmni tashkil etishning innovatsion modellari” loyihasi bilan “Eng yaxshi biznes loyiha” nominatsiyasida, talabalar M.Olimova va L.Egamovalar “Ko‘hna va boqiy Buxoroni matoda jonlantirish” loyihasi bilan “Omadli start (o‘z kichik korxonalarida innovatsion mahsulotlarni joriy qilmoqchi bo‘layotgan tadbirkor ayollar uchun.)” nominatsiyalarida o‘zlarining innovatsion g‘oyalari va ishlanmalari bilan ishtirok etdi va g‘oliblikni qo‘lga kiritdi. Shuningdek, mazkur tanlovning respublika bosqichida ishtirok etish huquqini qo‘lga kiritdi. Turizm fakulьteti yoshlar bilan ishlash bo‘yicha dekan o‘rinbosari A.Qodirov
