Joriy yilning 28-noyabr kuni Buxoro davlat universitetida “Binolar qurilishida zilzilabardoshlikni ta’minlashga qaratilgan zamonaviy usul va uslublar hamda innovatsion yondashuv” mavzusida hududiy seminar o‘tkazildi.Seminar O‘zbekiston Respublikasi Bosh vaziri tomonidan 2018-yil 10-may kuni tasdiqlangan “Aholi o‘rtasida seysmik xavfsizlikni ta’minlash, individual quruvchilar tomonidan qurilish me’yorlari va qoidalariga rioya qilish, ta’lim muassasalari o‘quv dasturlarida zilzilalardan ogohlantirish bo‘yicha kompleks chora-tadbirlar dasturi” ijrosini ta’minlash maqsadida tashkil etildi.Tadbirda O‘zbekiston Respublikasi Fanlar akademiyasi, Qurilish vazirligi, Favqulodda vaziyatlar vazirligi, Milliy teleradiokompaniyasi, Qoraqalpog‘iston Respublikasi Vazirlar Kengashi, Buxoro, Xorazm, Navoiy viloyatlari hokimliklari, Qurilish boshqarmalari, FVB, “Mahalla” xayriya jamoat fondi, loyiha institutlari, Yer resurslari va kadastr bo‘limlari, qurilish tashkilotlari mutaxassislari ishtirok etishdi.Tadbir davomida ma’ruzachilar tomonidan taqdim etilgan prezentatsion va videomateriallar orqali, binolar qurilishida zilzilabardoshlikni ta’minlash, individual ravishda qurilayotgan binolarning seysmik mustahkamligini oshirishga qaratilgan yangi, zamonaviy innovatsion usul va uslublar to‘g‘risida ma’lumotlar berildi.Seminar yakunida binolar qurilishida zilzilabardoshlikni ta’minlashga qaratilgan ixtiro va innovatsion ishlanmalar, adabiyotlar, maxsus avariya-qutqaruv texnikalari va asbob-anjomlar ko‘rgazmasi bo‘lib o‘tdi. BuxDU matbuot kotibi
