Davra suhbati doirasida 9 ta memorandum imzolandi: Hujjatlarga asosan endilikda ikki davlat oliygohlari professor-o‘qituvchi va talabalar almashinuvi, o‘zaro o‘quv jarayonlarini tashkil qilish, ta’lim sifatini oshirish, stajirovka o‘tash, malaka oshirish, qo‘shma ta’lim dasturlarini yo‘lga qo‘yish yo‘nalishlarida o‘zaro aloqalarni kengaytirishadi.
Jumladan, memorandumlar ushbu universitetlar oʻrtasida imzolandi:
1. BuxDU hamda Perudji chet elliklar universiteti.
2. 'TIQXMMI'' milliy tadqiqotlar universiteti Buxoro tabiiy resurslarni boshqarish instituti va Bari Aldo Moro universiteti;
3. 'TIQXMMI'' milliy tadqiqotlar universiteti Buxoro tabiiy resurslarni boshqarish instituti bilan Turin Politexnika universiteti;
4. Samarqand davlat arxitektura-qurilish universiteti va Milano Bikokka universiteti;
5. Samarqand davlat arxitektura-qurilish universiteti hamda Piza universiteti;
6. Samarqand davlat arxitektura-qurilish universiteti va Kalyari universiteti;
7. Buxoro davlat tibbiyot instituti hamda Florensiya universiteti;
8. Buxoro davlat tibbiyot instituti bilan Palermo universiteti;
9. Buxoro davlat tibbiyot instituti hamda Piza universiteti;
Shuningdek, BuxDUdagi davra suhbatida ishtrokchilar ba’zi muhim qarorlarni qabul qildilar. Jumladan, forumlarni ma’lum muddat oraligʻida doimiy ravishda tashkil etish, maxsus veb-sayt yaratish va ushbu sayt ma’lumot markazi boʻlib xizmat qilishi va barqaror ishlashi toʻgʻrisida kelishildi.
