Yamagata universiteti professori Tadashi Onodera, Plat Yonezawa korporatsiyasi texnik direktori Shinji Omata, Yamagata universitetida Tadbirkorlar o'quv va tadqiqot markazi koordinatori Yuichi Saitolar Buxoro davlat universitetiga tashrif buyurishdi.
Mehmonlarni Buxoro davlat universiteti Xalqaro hamkorlik bo'yicha prorektori Abror Jo'rayev kutib oldi.
Tashrif avvalida BuxDU zalida viloyatdagi barcha OTMlar tomonidan tashkil etilgan ko`rgazmani ko`zdan kechirishdi.
Shuningdek, O'zbekiston - Yaponiya markazi Buxoro filiali faoliyati bilan yaqindan tanishishdi. Xalqaro hamkorlik bo'yicha prorektor Abror Jo'rayev bugungi kunga qadar Yaponiya bilan hamkorlikda qilingan ishlar yuzasidan taqdimot qildi. Mehmonlarga BuxDUga tashrif chog`idan esdalik uchun sovg`alar taqdim etildi.
Ma'lumot o`rnida aytish joizki, Yaponiya har jihatdan O‘zbekiston uchun muhim va yaqin hamkor bo‘lib hisoblanadi. Yaponiyadagi Yamagata universiteti 1949-yilda tashkil topgan ayni paytda milliy, keng qamrovli Yaponiya universiteti sanaladi. Ko'llar, daryolar, guruch maydonlarini o'z ichiga olgan tabiiy go'zallikka ega tog'li mintaqada joylashgan muassasa Yamagata prefekturasi bo'ylab tarqalgan to'rtta (Kojirakava, Iida, Yonezava, Tsuruoka) kampusga ega. Mahalliy talabalar qatorida dunyoning 33 mamlakatidan yoshlar tahsil olishadi. Bakalavriat bosqichida 6 ta fakultetda 12 ta kafedra faoliyat yuritsa, magistratura bosqichida 6 ta maktabda magistrantlar tahsil olishadi.
