23-yanvar kuni universitet rektori O.Xamidov Boku oliy neft maktabi faoliyati bilan tanishdi.
Ushbu oliy taʼlim muassasasi SOCAR neft kompaniyasi homiyligida faoliyat yuritib, mamlakatning neft-gaz va boshqa tarmoqlari uchun zamonaviy o‘quv dasturlari asosida va eng yangi taʼlim texnologiyalaridan foydalangan holda tayyorlanayotgan yuqori malakali muhandislarga bo‘lgan ehtiyojini qondirish maqsadida 2011-yilda tashkil etilgan.
Oliy maktab rektori E.Gasimov bilan uchrashuvda o‘zaro hamkorlikning ustuvor yo‘nalishlari muhokama qilindi. Xususan, Buxoro davlat universitetida yangi ochilgan neft-gaz sohasi taʼlim yo‘nalishlari doirasida hamkorlik qilishga kelishib olindi. Oliy neft maktabining laboratoriya bazasi eng zamonaviy talablarga javob berishi taʼkidlanib, BuxDU talabalarining amaliyot o‘tashlari uchun sharoit yaratiladi.
Uchrashuvda ikkala tomon o‘rtasida hamkorlik memorandumi imzolandi.
Boku oliy neft maktabining rasmiy veb-sahifasi: https://www.bhos.edu.az
