11.01.2022

Buxoro davlat universiteti Moliya va iqtisod ishlari bo‘yicha prorektori O‘.U.Rashidov joriy yilning 21 aprel kuni talabalar turar joyida TTJ direktori V.X.Nusratov va  talabalar turar joyi tarbiyachi-pedagoglari bilan uchrashuv o‘tkazdi. Uchrashuvda talabalar tomonidan turar joylarining umumiy foydalanish xonalarini sanitariya-gigiyena qoidalariga rioya qilgan holda toza va ozoda saqlash, xonalardagi san.texnika jihozlarini asrab avaylash, oshxonadagi elektr plitalari hamda muzlatgichlardan samarali foydalanish, elektr energiyasi, sovuq va issiq suvni iqtisod qilib ortiqcha sarf-xarajatlarsiz foydalanish masalalari ko‘rib chiqildi. Shu bilan bir qatorda talabalar yashash xonalari va koridorlarni toza saqlash, yashash va ma’naviyat xonalarida mavjud yumshoq va qattiq mebel jihozlarini asrab avaylash yuzasidan fikrlar bildirildi. Ushbu ishlarni amalga oshirishni nazorat qilish va talabalar o‘rtasida tushuntirish ishlarini olib borish uchun talabalar turar joyi tarbiyachi-pedagoglarining mas’ul ekanligi ta’kidlab o‘tildi.BuxDU Matbuot xizmati