11.01.2022

Joriy yilning 2021 yilning 30-yanvar kuni O'zbekiston Respublikasi Oliy Majlis Qonunchilik palatasi deputati, Mudofaa va xavfsizlik masalalari qo‘mitasi a’zosi Tavakkal Choriyev Buxoro davlat universitetida bo‘lib, Chaqiriqqacha harbiy ta’lim fakulteti talabalari, harbiy qism ofitserlari va askarlar bilan uchrashdi. Uchrashuvni BuxDU Yoshlar bilan ishlash bo'yicha prorektor A.M.Kadirov ochib berdi. Uchrashuvda BuxDU Chaqiriqqacha harbiy ta`lim fakulteti boshlig'i A.Baboyev ishtirok etdi. Qo‘mita a’zosi 2020 yil 29 dekabrdagi O‘zbekiston Respublikasi Prezidenti Shavkat Mirziyoyevning Oliy Majlisga Murojaatnomasining mazmun-mohiyati, unda belgilagan barcha sohalardagi ustuvor vazifalarga to‘xtalib o‘tdi.Xususan, dunyoda kechayotgan murakkab jarayonlar yaqin-uzoq mintaqalarda kuzatilayotgan ziddiyat va to‘qnashuvlar sharoitida yurtimizda tinchlik va xavfsizlikni ta’minlash borasidagi ishlarini yanada jadallashtirish, mamlakatimiz mudofaa salohiyatini rivojlantirish bo‘yicha islohotlarini davom ettirish yuzasidan bildirilgan fikrlarga alohida to‘xtaldi. Shuningdek, Qurolli Kuchlarimiz qudratini, qo‘shinlarning professional va jismoniy salohiyatini yuksaltirish, harbiy xizmatchilar va ularning oilalarini ijtimoiy qo‘llab-quvvatlash hamda yoshlarni vatanparvarlik ruhida tarbiyalash ishlariga alohida e’tibor qaratdi.Uchrashuvda 2021 yil 12 yanvar kuni O‘zbekiston Respublikasi Prezidenti huzuridagi Xavfsizlik kengashining kengaytirilgan yig‘ilishida ko‘tarilgan muhim masalalar hamda Davlatimiz rahbarining Vatan himoyachilari kuni bilan yo‘llagan tabrigi yuzasidan ham fikrlar bildirildi. Bundan tashqari, suhbat davomida bugungi kunda Qonunchilik palatasi Mudofaa va xavfsizlik masalalari qo‘mitasining 2020 yil davomidagi faoliyati, shuningdek 2021 yilda belgilangan vazifalar, ko‘rib chiqilayotgan qonun loyihalari, o‘tkaziladigan nazorat tahlil tadbirlari to‘g‘risida ham ma’lumot berildi.Ochiq-muloqot hamda savol-javoblar tarzida bo‘lib o‘tgan uchrashuvda ishtirokchilar tomonidan fikr va mulohazalar hamda sohadagi mavjud muammolar va ularning yechimlari yuzasidan takliflar bildirildi. Uchrashuv yakunida soha vakillari tomonidan bildirilgan fikr va mulohazalar hamda takliflar Qo‘mitaning keyingi faoliyatida ko‘rib chiqilishi, qolaversa bildirilgan takliflar sohadagi qonunchilikni takomillashtirish bo‘yicha olib borilayotgan ishlarda foydalanilishi ta’kidlandi.BuxDU Matbuot xizmati