11.01.2022

3-dekabr "Xalqaro nogironlar kuni" munosabati bilan Buxoro davlat universiteti Yoshlar ittifoqi Boshlang'ich tashkiloti yetakchisi Feruz Karimov, Kengash a'zolari fakultet yetakchilari hamda Pedagogika fakulteti yetakchisi Qamarova Zarina boshchiligidagi bir guruh faol talabalar bilan birgalikda Buxoro shahar 27 - imkoniyati cheklangan bolalar uchun ixtisoslashtirilgan maktabida "Qo`lingda imkon, o`zingga ishon!" nomli bayram tadbiri tashkil etildi.Tadbir davomida talabalarning mazmunli chiqishlari, maktab o`quvchilarining ijod namunalari namoyish etildi. Buxoro davlat universiteti Yoshlar ittifoqi Boshlang'ich tashkiloti tashabbusi bilan tashkil qilingan "Sahovat qutisi"da jamlangan mablag'lar evaziga bolajonlar uchun sovg'alar, o'quv qurollari, darsdan bo'sh vaqtlarida kasb o'rganishlari uchun kerak bo'ladigan vositalar yetkazib berildi. "Biz ko`zlagan asosiy maqsad - bolalarning beg`ubor shodligi edi! Barchamiz birgalashib ularning bu quvonchiga erishdik.BuxDU Matbuot xizmati